یەكێتی تۆپی پێی كوردستان خەلاتەكانی خولی نایابی كوردستانی پێشكەشكردن

یەكێتی تۆپی پێی كوردستان خەلاتەكانی خولی نایابی كوردستانی پێشكەشكردن

خولی یانە پلە نایابەكانی كوردستان بۆ تۆپی پێ‌ كۆتایی پێهات، یانەی پێشمەرگەی هەولێر توانی بە 48 خاڵ نازناوی خولەكە بۆ خۆی مسۆگەر بكات و ببێتە پاڵەوانی خولی یانە پلە نایابەكانی وەرزی ئەمساڵ، یانەی نەورۆزیش بە 44 خاڵ پلەی دووەمی خولەكەی گرت، 13 مین شەمەندەفەری خولی پلە نایابەكانی كوردستان گەیشتە كۆتایی بە سەركەوتنی یانەی پێشمەرگەی هەولێر بەسەركردایەتی راهێنەری بە توانا سەمیر بابۆ.
یەكێتی تۆپی پێی كوردستان لە مەراسیمێكدا لە شاری هەولێر لە هۆتێلی شیراتۆن، خەلات و دیاری و قەلغانی خولەكەی پێشكەش بەیاریزانان و یانەی پێشمەرگەی هەولێر و نەورۆزی كردو گۆڵكاری خولەكەش بەر خەلاتی تایبەت كەوت، یانەی پێشمەرگەی هەولێر بە 30 ملیۆن دینار خەلاتی یەكەمی بەركەوت و یانەی نەورۆزیش بە 20 ملیۆن دینار خەلاتی دووەمی پێبەخشرا و گۆڵكاری خولەكەش بە 1 ملیۆن دینار خەلاتكرا.
چەند زانیاری و ژمارە و ئامارەكانی خولی یانە پلە نایابەكانی كوردستان بۆ تۆپی پێ‌ بۆ وەرزی 2018-2019
182 یاری ئەنجامدراوە" 116 یاری بە براوە كۆتایی هاتووە" 66 یاری بە یەكسانبوون كۆتایی هاتووە" 386 گۆڵ تۆمار كراوە (2,1) بۆ هەر یارییەك" 11 گۆڵ بە هەڵە تۆمار كراوە" 138 یاریزان گۆڵیان تۆمار كردووە" 693 كارتی زەرد بە یاریزانان دراوە (3,8) بۆ هەر یارییەك" 36 كارتی سوور بە یاریزانان دراوە (0,19) بۆ هەر یارییەك.

 

زۆرترین بینراو