کاتی ئەنجامدانی هەڵبژاردنەکە لە پەرلەمانی عێراق یەکلایی دەکرێتەوە

کاتی ئەنجامدانی هەڵبژاردنەکە لە پەرلەمانی عێراق یەکلایی دەکرێتەوە

بەهۆی نائاسایی بوونی دۆخی کەرکووک و بە سەربازگە کردنی، پارتی دیموکراتی کوردستان، وەک هەڵوێستی وەرگرتنێک تا ئێستا بایکۆتی چالاکییە سیاسییەکانی لە کەرکووک کردووە و داوای هەرچی زووتر ئاسایی کردنەوەی دۆخی ئەو شارەی کردووە، بۆیە لەبارەی ئەنجامدانی هەڵبژاردنی ئەنجوومەنی پارێزگای کەرکووکیشەوە بۆچوونی جیاوازی هەیە.

پێشنیاری ئەوە کراوە، هەڵبژاردنی ئەنجوومەنی پارێزگای کەرکووک، لەمساڵدا و لە مانگی ١١ ەدا ئەنجامبدرێت، بەڵام ئەم پێشنیارە دوا بڕیار نییە و پێویستە پەرلەمانی عێراق کاتی ئەنجامدانی هەڵبژاردنەکە یەکلایی بکاتەوە، سەرباری ئەوەش هێشتا یەکلایی نەبۆتەوە کە ئایا هەڵبژاردنی ئەنجوومەنی پارێزگای کەرکووک ئەنجامدەدرێت یاخوود نا.
بە هۆی تێبینییەکانیان لە سەر تۆماری دەنگدەران، عەرەب و تورکمانەکان دەیانەوێت یاسایەکی تایبەت بۆ بەڕێوەچوونی ئەو هەڵبژاردنە دەربچێت، كه‌ پارێزگاریی لە عێراقیبوونی کەرکووک بکات، ئەگەر ئەو یاسایە بۆ ماوەیەکی دیاریکراویش بێت، بۆ ئەوەی پێکەوەژیانی ئاشتییانەی نێوان نەتەوەکان مسۆگەر بکەن و کەرکووک وەکو عێراقێکی بچووککراوه‌ بمێنێتەوە، ئه‌مه‌ وه‌ك ئه‌وه‌ی ئه‌وان ده‌یڵێن.
هەرچی کوردە، لە ئێستادا نەگەیشتوون بە هیچ ڕێککەوتنێکی کۆتایی لەبارەی ئەم پرسەوە، وە تێڕوانینی جیاوازیان بۆ ئەنجامدانی هەڵبژاردنەکە هەیە و پێدەچێت لە ئایندەدا، پارتی و یەکێتی، دەربارەی پرسی کەرکووک بە گشتی و سەبارەت بە ئەنجوومەنی پارێزگاکە و پرسی تریش تایبەت بە کەرکووک تاوتوێ بکرێت و بگەن بە ڕێککەوتن.

زۆرترین بینراو