بۆ چارەی ئەو دوو نەخۆشییە مەترسیدارە زەنجەفیل بخۆن

بۆ چارەی ئەو دوو نەخۆشییە مەترسیدارە زەنجەفیل بخۆن


پسپۆران و توێژەرانی زانكۆی مێشیگان ماوەیەكی زۆرە سەرقاڵی توێژینەوەیەكن لەبارەی كاریگەری زەنجەفیل لەسەر دوو نەخۆشی، ئێستاش باس لەوەدەكرێت، كە بۆ ئەو دوو نەخۆشییە دەرمانە.
بەپێی ئەنجامی ئەو توێژینەوەیە ئێستا دەتواندرێت زەنجەفیل بەكاربهێندرێت نەك تەنها بۆ كوشتنی خانە شێرپەنجەییەكانی هێلكەدان، بەڵكو بۆ كوشتنی خانە شێرپەنجەییەكانی پڕۆستاتیش بەكاردێت ئەوەی مایەی دڵخۆشیشە رێژەی ژەهراویبوونیش لەپلەی سفردایە.
لەنێو دەرمانە گرنگەكانی جیهاندا، زەنجەفیل بەكاردەهێنرێت بۆ چارەسەركردنی هەوكردن‌ و دڵ تێكەڵبوون، بەڵام ئەو دەرەنجامانەی لەدانیشتنی كۆمەڵەی ئەمریكی بۆ توێژینەوەی شێرپەنجە خراونەتەڕوو ئەوە پێشان دەدەن كە لەهەركام لەو حاڵەتانەی كە هاڕاوەی زەنجەفیل بەكاردەهێندرێت بۆ چارەسەری خانە شێرپەنجەییەكان هەر لەگەڵ بەركەوتنی بە تێكەڵەكە هەموو خانە شێرپەنجەییەكان دەمرن، ئەمەش لەزمانی پزیشكیدا پێی دەوترێت كوشتنی بە بەرنامەی خانەكان یان خۆكوشتنی خانە شێرپەنجەییەكان، لەكاتێكدا زەنجەفیلەكە ئامادە دەبێت خانەكان تێكدەچڕژێن ‌و بەردەبنە یەكتری كە لەبواری پزیشكیدا پێیدەوترێت (ئۆتۆفاگی).
لەكاتێكدا زەنجەفیل چارەسەرێكی سروشتی مەزنە بۆ ئەوانەی كە بە دەست چارەسەری كیمیاییەوە دەناڵێنن، دەكرێت بە بڕێكی زیاتر بۆ چارەسەری شێرپەنجە بەكاربهێندرێت.
توێژینەوەیەكی دیكە توانای زەنجەفیل دەردەخات لەرووبەڕووبوونەوەی شێرپەنجەی هێلكەدان كە دەرەنجامەكەی بەم شێوەیەیە:
زەنجەفیل رێگرە لەگەشەكردنی خانە شێرپەنجەییەكان لەهێلكەدان ‌و رێكخستنی هۆكارەكانی روودانی، بەكارهێنانی ئامرازە خۆراكییەكانی وەك زەنجەفیل رەنگە چارەسەر بێت یاخود رێگر بێت لەتوشبوون بە شێرپەنجەی هێلكەدان.
هەروەها سەلـمێنراوە زەنجەفیل لەچارەسەركردنی شێرپەنجەی پڕۆستات بەكاردێت، توێژینەوەیەكی ئەمەریكی كە لە گۆڤاری پزیشكی بڵاوكراوەتەوەو دەرەنجامەكانی ئەوەی خستۆتەڕوو كە گوشراوی زەنجەفیل خانە شێرپەنجەییەكانی پڕۆستات دەكوژێت لەكاتێكدا خانە تەندروستەكان وەك خۆیان دەهێڵێتەوە، گوشراوی زەنجەفیل دەبێتە هۆی كەمكردنەوەی وەرەمی پڕۆستات بە رێژەی (%56).
لەسوودەكانی دیكەی زەنجەفیل ئەوەیە لەگەڵ ئەوەی مادەیەكی تونە هیچ جۆرە ژەهراویبوونێكی لەدوا نییە هەرچەند بە بڕێكی زۆریش بەكاربێت، هەروەها هاوشێوەی مادە تیشكاوەرو كیمیاییەكانیش لێكەوتەی نییە.
كۆمەڵەی شێرپەنجەی ئەمریكی دان بەوەدا دەنێت كە لە (%15) ی پیاوان پشكنینی شێرپەنجەی پڕۆستاتیان بۆ كراوەو پتر لە (20) هەزار ژنیش پشكنینی شێرپەنجەی هێلكەدانیان بۆ دەكرێت، بۆ هەندێك لەو حاڵەتانەش دەكرێت زەنجەفیل یاریدەدەرێكی باش بێت.

بابەتى پەیوەندیدار جۆراوجۆر

زۆرترین بینراو