بەڕێوەبەرایەتی شەهیدانی سۆران، هاوكاری مانگانە بۆ كوڕەشەهیدێك دەبڕێتەوە

بەڕێوەبەرایەتی شەهیدانی سۆران، هاوكاری مانگانە بۆ كوڕەشەهیدێك دەبڕێتەوە


زاری كرمانجی-سۆارن: دوای دوورخستنەوەی لەكاركردن لە كافتریایەك، بەڕێوەبەرایەتی كاروباری شەهیدان و ئەنفالكراوانی سۆران، مووچەی مانگانە بۆ كوڕە شەهیدێكی شاری سۆران دەبڕێتەوە.
ئەشقی مەلا، بەڕێوەبەری كاروباری شەهیدان و ئەنفالكراوانی سۆران، بە زاری كرمانجی گووت "دوابەدوای ئەوەی هەواڵی ئەوەمان پێگەیشت كە كوڕە شەهیدێكی سۆران بەناوی (عوسمان مەولود) كە هێشتا تەمەنی ئاسایی تەواو نەكردووەو لەكافتریایەك كاردەكات، لەرێگەی لێژنەیەكی بەڕێوەبەرایەتیەكەمان بەدواداچوونمان بۆی كردوو بڕیارماندا مانگانە ئەم برە پارەی پێبدەین كە لەكافتریاكە وەری دەگرت، بەو مەرجەی چیتر كار لەكافتریاكە نەكات، لەگەڵ ئەوەشدا لەگەڵ ئەوەنین كوڕی شەهیدانمان لەماڵەوە دابنیشن و كارنەكەن، بەڵكو لەسەر هەموو تاكێكمان ئەركە كار بكات، بەڵام بەو مەرجەی ئەو كاری دەیكەین لەگەڵ تەمەن گونجاو بێت".
ئاماژەشی بەوەدا "بۆ بەرچاو روونی زیاتر دوو لەمنداڵەكانی خێزانی ئەو شەهیدە قوتابین و ساڵانە لەسەر خەرجی ئەركی حكوومەت واتە وەزارەتی شەهیدان درێژە بە خوێندنی ئەهلی دەدەن، ئەم گەنجە هەرزەكارەش كە ئێستا مووچەی مانگانەمان بۆ بڕێوەتەوە، پێشتر وەك بەڕێوەبەرایەتی شەهیدانی سۆران، هەموو پاڵپشتێكمان بۆ دەربڕی بۆ خەرجی خوێندن ئەگەر لەسەر خوێندنەكەی بەردەوام بێت.

زۆرترین بینراو