ئاریەن ڕۆبن وازی لە یاری هێنا

ئاریەن ڕۆبن وازی لە یاری هێنا

 

زاری كرمانجی: ئاریەن ڕۆبن لەدایكبووی 23ی جانێوەری ساڵی 1984 یاریزانێكی هۆڵەندییە یاری بۆ هەڵبژاردەی نیشتیمانی هۆڵەندی و بایەرن میونخ كردووە، لە هێڵی هێرشبەر و ناوەڕاست یاری دەكرد، بەر لەوەی یاری بۆ یانەی بایەرن میونخ بكات یاری بۆ هەر یەكە لە یانەكانی گرینجینی و ئایندهۆڤنی هۆڵەندی و چێڵسی ی ئینگلیزی وە ڕیال مەدریدی ئیسپانی كردووە.
ڕۆبن لەگەڵ سەرجەم یانەكان ئاستی زێڕینی پێشكەش كردووە، باشترین ئەنجامیش بۆ هەڵبژاردەی هۆڵەندا بوو كە گەیشتنە یاری كۆتایی و توانییان پلەی دووەم لە جامی جیهانیی فیفای 2010 بە دەست بهێنن.
لە بەرواری 10 ی 10 ی 2017 بڕیاری یەكجاری وازهێنانی لە یاری نێودەوڵەتیدا، ئەمەش لە كاتێكدابوو كە هەڵبژاردەكەی نەیتوانی بگاتە مۆندیالی 2018 ی روسیا.
ئەم یاریزانە لە تەمەنی یاریكردنی توانیویەتی دەورێكی بالای هەبێت لە سەرخستنی ئەو تیمانەی یاری بۆ كردوون، ئەو جگە لەوەی بە یاریزانێكی بەهێز و خێرا و خاوەن تەكتیكی یاری كردن ناسرابوو، لە هەمانكاتیشدا هەموو كات چاوی یانەكانی لەسەر بووە بۆ كرینی و فرۆشتنی و بردنی بۆ ریزی یانەكانیان.
ئەو بە هۆی تەمەنییەوە هەفتەی رابردوو واز هێنانی یەكجارەكی خۆی لە یاری تۆپێی راگەیاند، بەڵام وەك ئەستێرەیەكی دروشاوەی تۆپی پێ ناوی دەمێنێتەوە.

بابەتى پەیوەندیدار وەرزشى

زۆرترین بینراو