ئاستەنگەكانی رووچوونی رێگای سەرەكی (سۆران-چۆمان) لابردران

ئاستەنگەكانی رووچوونی رێگای سەرەكی (سۆران-چۆمان) لابردران

زاری كرمانجی-رواندز: لەلایەن كەرتی 4ی پاراستن و رێگاو بانی سۆران، بە هەماهەنگی لایەنە پەیوەندیدارەكانی سنوورەكە، ئاستەنگ و بەربەستەكانی رێگای سەرەكی (سۆران-چۆمان) لە نزیك گوندی بەرزێوە لابردران و هاتووچۆ بەم رێگایە ئاسایی بووەتەوە.
ئەندازیار خوسەرەت سەدیق بەرپرسی كەرتی 4ی چاككردنەوەو پاراستنی رێگاو بانەكانی سۆران، رایگەیاند " ڕێگای سەرەكی (سۆران-چۆمان) لە نزیك گوندی بەرزێوە، بەدرێژایی نزیكەی نیو كیلۆ مەتر، بەهۆی باران بارین و لافاوی پارساڵەوە بەشێكی داڕمابوو و ئەوەی تریش بەهۆی دەرزبردنی و مەترسی بۆ هاتووچۆی شۆفێرانی هێلەكە دروستكرد بوو، دوای ماوەیەك كاركردن لەم پڕۆژەیە بە چاككردنەوەی ڕێگاكەو دانانی دیواری پاڵپشت و پێشكەش كردنی چەند خزمەتگوزارییەكی دیكە، خۆشبەختانە توانراوە تا ئاستێكی باش بەربەستەكان لەبەردەم هاتووچۆی شوفێران لابدەین، لە ئێستادا هاتووچۆ بەم رێگایە ئاسایی بووەتەوە".
گووتیشی " گرفتی سەرەكی ئەم شوێنە ئەوەیە كە لەگردی سەرووی رێگاكە دەرزی بردووە، بەمەش لەكاتی باران بارین و لافاو زیان بە رێگاكە دەگات، هەروەها زۆرجاریش شكانی بۆڕی ئاوی سەرەكی كە بەشوێنەكەدا تێپەڕ دەبێت، زیان بەم رێگایە دەگێنێت، بەڵام تیمەكانمان بەردەوام لە ئامادەباشیدان بۆ چاككردنەوەو پاراستنی رێگاو بانەكانی سنوورەكەمان.

زۆرترین بینراو