ئافرەتێكی خوبەخش نیزیكەی هەزار جار سەرەدانی سەنگەرەكانی پێشمەرگەی كردووە

ئافرەتێكی خوبەخش نیزیكەی هەزار جار سەرەدانی سەنگەرەكانی پێشمەرگەی كردووە

فایزا سەلیم، ئافرەتێكی خۆبەخشە لە پارێزگای دهۆك لەگەڵ دروستبوونی شەڕی چەكدارانی داعش لە ساڵی 2014، ئەو وەك ئافرەتێكی خۆبەخش گروپێكی دروستكرد، و تا ئێستاش بەردەوامە لە یارمەتیدانی پێشمەرگە و هەزاران جار لەگەڵ ستافەكەی سەردانی سەنگەرەكانی پێشمەرگەی كردووە، و خواردن و شیرینیی بەسەر پێشمەرگەدا دابەشكردووە.
دیمانە: رەمەزان هەرنی – دهۆك
فایزا سەلیم، بەرپرسی گروپی كارڤین لە دیمانەیەكی زاری كرمانجیدا، باس لە كارو چالڵاكیەكانی دەكات، خاتوو فایزا لەبارەی چۆنیەتی دامەزراندنی گروپەكەی گووتی" لە رۆژی 3 ی ئابی ساڵی 2014، لەگەڵ كچەكەم سۆزان گروپێكم دامەزراند بەناوی كارڤین، ماوەیەك من و كچەكەم بەتەنیابووین خواردن و پێداویستی رۆژانەمان ئامادە دەكردوو دەمانبردە سەنگەرەكانی پێشمەرگە، لەشەڕی دژ بە داعش، لە ئێستا دا گروپ لە 64 كەس پێكدێت لە ئافرەتان و پیاوان، بەدرێژایی شەری دژی داعش سەردانی سەنگەرەكانی پێشمەرگەمان دەكرد، زۆر جار مەترسی لەسەر ژیانی ئێمە دروست دەبوو بەلڵام نەبۆتە هۆكاری ئەوەی لەكارەكەمان پاشگەزببینە، و بەردەوامبووین لە خزمەتكردنی پێشمەرگە، لەو كاتەوە تا ئێستا زۆر كەس، یارمەتی داین بۆ بەردەوامیدان بە كارەكانمان و خزمەتكردن بە هێزەكانی پێشمەرگە، زیاتر ئەو كارانەی دەمانكرد لەسەر ئەركی خۆمان، و چەند كەسایەتییەك بوو كە بەردەوام پاڵپشتمان بوون و لەگەڵ چەندین خێرخواز بۆ گەیاندنی یارمەتییەكان، ئەگەر جارێك كەسێك نەبووایە یارمەتیم بدات، دەرگا بەدەرگای شار دەگەرام و داوای یارمەتیم دەكرد بەخوشحاڵیەوە هەركەسێك داوای یارمەتیم لێ كردبایە بۆ هێزەكانی پێشمەرگە زۆر یارمەتیان دەدام".
خاتوو فایزا لەبارەی چالڵاكیەكانی لەم گروپەدا رونیكردەووە" لەو كاتەوە تا ئێستا نیزیكەی هەزار جار سەردانی سەنگەرەكانی پێشمەرگەم كردووە، لە شنگال تا كەركووك هەندێك شوێن زۆر مەترسی داربوون، بەڵام هەمیشە پەیامی ئێمە ئەوەبوو كە رۆحی ئێمە لە رۆحی پێشمەرگە باشتر نیە، و ئێمە كەس و كاری یەكین پێویستە هیچ شتێك نەمان راگرێت لە یارمەتیدانی پێشمەرگە، بۆیە قەت ترس نەبۆتە هۆكار رۆژێك سەردانەكەمان دوابخەین یا سەردانی شوێنێك نەكەین، چەندین جار گولە هاون و نیشان شكێنەكانی دوژمن گروپەكەمانی كردۆتە ئامانج بەلڵام هەموو جارێك سەلامەت دەرچۆین، ساڵی 1987 لەگەڵ دایكم ئامادە دەكرد، بۆ پێشمەرگە دوای ئەنفاڵی رەش جارێكی تر گەڕاینەوە گوندەكەمان، و هەر بەردەوامبووین لە خزمەتكردنی پێشمەرگە لەگەڵ هاوسەرەكەم رەمەزان زیاب، كە پزیشكی پیشمەرگەبوو بۆیە ئەم كارەی خزمەتكردنی پێشمەرگە مێژوویەكی هەیە لەگەڵ ئێمە، خوشترین هەست ئەوەبوو كاتێك سەردانی پێشمەرگەم دەكرد بە دایكی پێشمەرگە بانگیان دەكردم، هەستێكی زۆر خوشم هەبوو ئەوانیش هۆكاربوون بەردەوامی بەكارەكەم بدەم هەركاتێك پێشمەرگە پێویستی بەمن بێت بە رۆح لەگەڵیان دامە، لە ئێستاشدا هەربەردەوامین لە سەردانكردنی سەنگەرەكانی پێشمەرگە، و بەردەوامیش دەبین هەر رۆژێك پێشمەرگە لەسەنگەردابێت من لەگەڵیاندام، ئەوەی بۆ پێشمەرگە كردومە، لەبەر ئەوە نەبوو كە پێشمەرگە پێویستی پێیەتی، بەڵكو وەك دڵسۆزیەك و پاڵپشتیەك ئەوەم كردووە".

 

زۆرترین بینراو