ئاكرێ : كۆمەكا ئافرەتا كۆمەڵەكا تایبەت ب خواندنێ‌ دامەزراند

ئاكرێ : كۆمەكا ئافرەتا كۆمەڵەكا تایبەت ب خواندنێ‌ دامەزراند

زاری كرمانجی – ئاكرێ : كۆمه‌كا ئافره‌تێن ئاكرێ كۆمه‌ڵه‌كا تایبه‌ت ب ڤه‌خواندنا په‌رتووكان دامه‌زراندن تایبه‌ت ب ئافره‌تان ڤه‌ كۆ ئه‌ ڤ كۆمه‌ڵه‌ دێ گرنگیێ ده‌ته‌ خواندنا په‌رتووكێن هه‌مه‌ جۆر ل ده‌ڤه‌رێ.
فاتما حاجی، سەرۆكا كۆمەڵا روناهی تایبەت ب ڤەخواندنێ‌ ڤە ل ئاكرێ‌ بۆ زاری كرمانجی راگەهاند : كۆمەكا ئافرەتێن پێكڤە بریارا دامەزراندنا كۆمەڵەكا تایبەت ب ڤەخواندنێ‌ دایە ب ناڤێ‌ كۆمەڵا روناهی تایبەت ب ڤەخواندنا پەرتووكان ڤە.
گوتژی : ستافێ‌ كۆمەڵێ‌ ل حەفت كەسا پێكدهێت ئەڤ كۆمەڵە دێ‌ كار لسەر گرنگیا ڤەخواندنێ‌ و كلتۆركرنا ڤەخواندنێ‌ كەت ب گشتی و تایبەت ئافرەتان ژبەر كۆ ئەڤ كۆمەڵا مە دامەزراندی تایبەتە ب ئافرەتان ڤە .
ئاشكراكر : پێدڤیە ئەم هەموو بزاڤا بكەین و ڤەخواندنێ‌ بكەینە كۆلتۆر ل ناڤ جڤاكی و دخوازین ب بەرفرەهی پشتەڤانیا مە بهێت كرن و كچێن زێدەتر ل هەموو كوردستانێ‌ ببن ئەندام ل كۆمەڵا مە كۆ بۆ وێ‌ چەندێ‌ رێژا خوینەرا زێدە ببیت .
تەكەزكر : دێ‌ بزاڤێ‌ كەین ب رێكا كۆرو سمینارا گرنگیا پەرتووكێ‌ بۆ جڤاكی زەڵاڵ بكەین بۆ وێ‌ چەندێ‌ ئافرەت پتر رولێ‌ خو بینیت، دەمەك درێژە مە كۆمەڵ دامەزراندنی بەلێ‌ نوكە مە راگەهاند ژبەركۆ مە ڤیا پتر بناغەیەكێ‌ باش دانین ، پتریا پەرتووكا كۆمكرینە ب زمانێ‌ كوردی شێوەزارێ‌ بەهدینی و سۆرانی بووینە مە دڤێت خوینەر پتر پەرتووكێن كوردی بهێن خواندن.

زۆرترین بینراو