ئاوڕێك لە یاریزانە بێ نازەكەی یانەی هەولێر بدەنەوە

ئاوڕێك لە یاریزانە بێ نازەكەی یانەی هەولێر بدەنەوە

م. رەزوان عەبدولقادر

زۆرێك لەو كەسانەی كە خوای گەورە بەهرەو توانا و لێهاتوویەكی جیاوازی پێداون, هەریەكەو بەپێ تایبەتمەندی جۆرو بوارەكەی خزمەت بەگەل و نیشتمان دەكات, زۆرجاریش دەبنە فاكتەرێكی كاریگەر بۆ بەدەستهێنانی نازناو وئەنجامێكی گەورەو شایستە, ئەمەو دەبێتە مایەی دڵخۆشی هەمووان و سەربەرزی و دەنگدانەوە بۆ وڵات, ئنجا ئەو كەسانە هونەرمەند بن یا وەرزشوان یا گۆرانیبێژ....هتد, لە بواری وەرزشەوە ئەگەر ئاوڕێك لە مێژووی یانەی هەولێر بدەینەوە پڕە لە دەسكەوت و نازناو و پرشنكداری, هەروەها لە وێستگەی تەمەنیدا خاوەنی دەیان یاریزانی ئاست بەرزو بەتواناو لێهاتوو بووە, تەنانەت زۆرێك لەوان لە ریزی لاوان و هەڵبژاردەی یەكەمی عێراق یارییان كردووەو لە 20 ساڵی رابردوو سەردەمی زێرینی یانەی هەولێر بووە, لەوەی 4 جار بۆتە پاڵەوانی یانەكانی عێراق و ناوبانگی نێودەوڵەتی, ئەمەش بەهەوڵ و ماندوبوونی چەندین یاریزانی گەنجی كورد بەرهەم هاتووە, بەڵام بەداخەوە یانەی هەولێر وەك پێویست ئاوڕی لە یاریزانەكان نەداتەوەو هاوكاری نەكردوون, بەتایبەت ئەوانەی تووشی پێكانێكی قوڕس و نەخۆشی هاتوون و لە یاریگەكان دابڕاون, یەكێك لەو نموونە زیندووانە یاریزانی لاوی هەولێر دیار رەحمان ە, چەندین ساڵە بەنەخۆشیەكی دەگمەن دەناڵێنی و تا ئێستا چارەسەری نەكراوە, كاپتن دیار ماوەی ساڵانێكی زۆر خزمەتی یانەی وەرزشی هەولێر كردووە وەك یاریزانێكی ئاست بەرزو لێهاتوو, بۆیە پێویستە لەسەر حكومەت و لایەنە پەیوەندیدارەكان بێ جیاوازی لەنێوان ئەو كەسانەی خزمەتیان كردووە بەكوردستان و ژیانی و تەمەن خۆیان بۆ تەرخان كردووە, ناكرێ هونەرمەندێك لەو پەڕی خۆشی و دەوڵەمەندی دا بێت و بەیەك پەیامی دوو خوولەكی ڤیدیۆیی حكومەت و بەرپرسەكان بێنێتە سەر هێڵ و سەردان و كۆمەك و هاوكاری بكرێ, كەچی یاریزان دیار رەحمان دەیان نوسین و دیمانەی تیڤی لەگەڵ كراوە دەربارەی نەخۆشیەكەی كەچی تا ئێستا هیچ بەرپرسێكی حزبی و حكومی سەردانیان نەكردووەو تۆزێك لە ئازارەكانی كەم بكەنەوە ئەگەر مەعنەویش بێت, لێرەوە پەیامەكەم بۆ بەڕێز سەرۆكی حكومەت ئەوەیە ئاوڕێك لە دیار رەحمان بدەنەوەو یارمەتی و هاوكاری بكەن بۆ چارەسەركردن لەو نەخۆشیە,بۆ ئەوەی وەك جاران بگەڕێتەوە نێو بواری وەرزش و خزمەت بەیانەكەی پایتەخت بكات .

بیروڕا

زۆرترین بینراو