ئاگادارییەك لە ژووری ئۆپەراسیۆنی بە‌رنگاربوونەوەی ڤایرۆسی كۆرۆنا لە مێرگەسۆر

ئاگادارییەك لە ژووری ئۆپەراسیۆنی بە‌رنگاربوونەوەی ڤایرۆسی كۆرۆنا لە مێرگەسۆر

رەمەزان هەرنی – مێرگەسۆر : لیژنەی ئۆپەراسیۆنی بەرەنگاربوونەوەی ڤایرۆسی كۆرۆنا لە قەزای مێرگەسۆر ئاگادارییەك بۆ هاووڵاتیانی سنووری قەزای مێرگەسۆر بڵاو دەكاتەوە.
غەفور ئەحمەد، قیمقامی قەزای مێرگەسۆر بە زاری كرمانجی راگەیاند:" بۆ جێبەجێكردنی بریارەكانی ژووری ئۆپەراسیۆنی بەرەنگاربوونەوەی ڤایرۆسی كۆرۆنا لە پارێزگای هەولێر دوای گفتوگۆ كردن و هەڵسەنگاندنی دۆخەكە لە قەزای مێرگەسۆر بڕیاری جێبەجێكردنی كۆمەڵێك بڕیارماندا.
قیمقامی قەزای مێرگەسۆر گوتیشی:" لە٣٠/٦/٢٠٢٠ كە دەكاتە ئەمڕۆ قەدەغەی هاتووچۆ لەسنوری قەزای مێرگەسۆر و ناحیەكانی جێبەجێ دەكرێت تەنها رێگە بە ئۆتۆمبێلەكانی تەندروستی و خزمەتگوزاری گشتی وەك ئاو كارەبا و شارەوانی و ئۆتۆمبێلەكانی كۆمپانیاكانی گەیاندن و دیپلۆماتەكان و پاككردنە‌وە و گواستنە‌وەی كەلوپەلی خۆراك و بریكارەكانی خۆراك و سەوزە و میوە غازی ماڵان و ئۆتۆمبێلەكانی گواستنەوەی سوتەمەنی و گازی مولیدە ئەهلیەكان دەدرێت .
غەفور ئەحمەد، ئاماژەی بەوەشكرد:" تەنها دوو كانەكانی سەوزە و میوە وسۆپە‌رماركێت و قەسابخانە و نانەواخانە و سە‌مونخانەكان و دەرمانخانە و بەنزینخانە كراوە دەبن، هاتووچۆ بۆ قەزای مێرگەسۆر و چوونە دەرەوە و هاتنی گەشتیار و سەردان بۆ ناو قەزاكە قەدەغەیە .
قیمقامی قەزای مێرگەسۆر روونیكردەوە:" نەخۆشەكانی گورچیلە ونەخۆشیە دریژخایەنەكان رێگەپێدراون ونەخۆشەكانی تر پێویستە پشتگیری نەخۆشخانەی گشتی بلێ یان مێرگەسۆر یان پێ بێت.
غەفور ئەحمەد، قیمقامی قەزای مێرگەسۆر ئەوەشی خستەڕوو:" كەلوپەلەكانی كێلگەپەلەوەریەكان و باغداری و كشتوكالی رێگە پێدراون ئاسانكاری پێویستیان بۆ دەكرێت، رێگە دەدرێت بەهاتووچۆكردنی كارمەندانی ئەمنی و تەندروستی وخزمەتگوزاریە گشتیەكان ئەو كەسانەی كە مووچەوەردەگرن ٠

زۆرترین بینراو