ئه‌مريكا هۆشداری دەداتە ئێران

ئه‌مريكا هۆشداری دەداتە ئێران

ئەمڕۆ 25-2-2021 ماڵپەڕی سكای نیوز بڵاویكردەوە كە نید پرایس، وتەبێژی وەزارەتی دەرەوەی ئەمریكا ڕایگەیاندووە، " ئارامگرتنی ئەمریكا لەسەر ئێران سەبارەت بە گەڕانەوەی بۆ گفتوگۆكردن لەسەر ڕێككەوتنی ئەتۆمی، سنووری خۆی هەیە".

هەفتەی پێشوو ئەمریكا هەلێكی بە وڵاتی ئێراندا تا بە ئامادەبوونی وڵاتانی بەشدار لە ڕێككەوتنی ئەتۆمی دانوستانەكان دەست پێ بكەنەوە، لە بەرامبەریشدا تا ئێستا ئێران وەڵامی ئەم هەلەی ئەمریكای نەداوەتەوە.

پرایس ئاماژەی بەوەكردووە" ئەو هەنگاوانەی ئێران هەڵی گرتوون بە پێشێلكردنی بەندەكانی ڕێككەوتنی ئەتۆمی، ئەمریكا دەخاتە بەردەم ئاڵەنگارییەكی بەپەلەوە".

وتەبێژی دەرەوەی ئەمریكا گووتیشی " ئارامگرتنمان سنووری خۆی هەیە، بەڵام سەرۆكی ئەمریكا و ئێمە پێمان وایە بۆ ڕێگری لە ئێران بۆ ئەوەی نەبێت بە خاوەنی چەكی ئەتۆمی، ڕێگای دێپلۆماسییە".

زۆرترین بینراو