ئێرانیەك رێگەی بە ژنەكەی نەدا بەشداری پاڵەوانییەتی جیهانی بكات

ئێرانیەك رێگەی بە ژنەكەی نەدا بەشداری پاڵەوانییەتی جیهانی بكات

زاری كرمانجی- ئاژانسییە هەواڵییە وەرزشییەكان: هاوژینی راهێنەری خلیسكێنەی سەر بەفری ئێران رێگری لێ دەكات لە گەشتكردن بۆ بەشداریكردن لە پاڵەوانێییەتی جیهان كە لە ئیتاڵیا بەڕێوەدەچێت.
میدیاكانی ئێران رایانگەیاند" هەڵبژاردەی خانمانی ئیران بەرەو ئیتاڵیا گەشتیان كرد، بەمەبەستی بەشداریكردن لە پاڵەوانییەتی خلیسكێنەی سەر بەفر كە لەسەر چیای ئالپ و لە كۆرتینا دامبیزۆ، بەبێ ئامادەبوونی خانمە راهێنەرەكەیان بەشداری دەكەن، چونكە هاوژینەكەی رێگەی پێنەداوە بۆ ئیتاڵیا گەشت بكات".
رۆژنامەكانی ئێران هیچ وردەكارییەكی رێگری لە چوونی راهێنەری هەڵبژاردەی خلیسكانێی سەر بەفری ئێرانی ئاشكرا نەكردووە، كە هۆكاری رێگریكردن لە سەمیرە زرغاری هاوژینی، هاوكات یەكێتی خلیسكێنەی سەر بەفری ئێرانیش، هیچ زانیارییەكی لەوبارەیەوە نەخستووەتەڕوو".
بەپێی یاسای ئێران هاوژینەكان مافی رێگریكردنیان لە ژنەكانەكانیان هەیە كە نەهێڵن گەشت بۆ درەوەی وڵاتی ئێران بكەن.
زرغاری یەكەم خانمە راهێنەر نیە كە هاوژینەكەی رێگری لە گەشتكردنی كردووە بۆ دەرەوەی ئێران، چونكە لە 2015 یاریزانی تۆپی پێ، نیلۆفەر ئەردەڵان، لەلایەن مێردەكەیەوە، وڵاتینامەكەی لێ زەوت كردو نەیهێشت بەشداری جامی نەتەوەكانی ئاسیا بۆ یاری فوستاڵ بكات. 
لەدوای شۆڕشی ئیسلامی ئێران و بەدیاریكراوی لە 1979 بەدواوە، وەرزشی خانمان لە ئێران بەرەوە نەمان چوو، بەڵام بە تێپەڕبوونی كات، جارێكی دیكە وەرزشی ژنان بەتایبەت لە بواری تۆپی پێ، ناوبانگێكی زۆری پەیداكرد.
ئێستا لە ئێران بەومەرجە رێگە بە خانمە وەرزشوانەكان دەدرێت وەرزش بكەن كە دەبێ سەرپۆش لەسەر بكەن. فیفا لە ساڵی 2012 بۆ ماوەی ساڵێك لەسەر سەپاندنی سەرپۆش بەسەر خانمە وەرزشوانانەكاندا چالاكیە وەرزشییەكانی ئەو وڵاتەی سڕ كرد. 
چوار خلیسكێنەری سەر بەفری هەڵبژاردەی ئێران رۆژی پێنجشەممەی رابردوو لە پاڵەوانییەتی كۆرتینا دا ئامبیزۆ بەشدارییان كرد، كە پێكهاتبوون لە عاتیفە ئەحمەد، سەدەف شافشمشكی، فەرووغ عەباسی و مەرجان كەلهووڕن. 

بابەتى پەیوەندیدار وەرزشى

زۆرترین بینراو