ئێران زیاتر لە 3 ساڵە سنووری بەڕووی كۆڵبەران داخستووە

ئێران زیاتر لە 3 ساڵە سنووری بەڕووی كۆڵبەران داخستووە

زاری كرمانجی-حاجی ئومەران: بە بڕیارێكی كۆماری ئیسلامی ئێران، زیاتر لە سێ‌ ساڵە سنووری حاجی ئۆمەران، بەڕووی كۆڵبەران داخراوە، بەمەش هەزارن كاسبكار پەكیان كەوتووە. فەرزنگ ئەحمەد لاوكە، بەڕێوەبەری ناحیەی حاجی ئۆمەران، بەزاری كرمانجی راگەیاند " زیاتر لە سێ‌ ساڵە بە بڕیاری حكوومەتی ئێران، لەو دیوی سنووری حاجی ئۆمەران، سنوورەكە بەڕووی كۆڵبەران داخراوەو رێگریان لێدەكرێت، بەمەش ناتوانن لەسنوورەكە كاری كۆڵبەری و هێنان و بردنی كاڵاكان بكەن".
بەڕێوەبەری ناحیەی حاجی ئۆمەران، گووتیشی " داخستنی سنوورەكە بەڕووی كۆڵبەران پەیوەندی بە ئێمەوە نییە، بەڵكوو لە دیوی رۆژهەڵاتی كوردستان داخراوە، ئەمەش كاریگەری كردۆتە سەر كارو كاسبی ئەو كەسانەی لەسنوورەكە كاری كۆڵبەریان دەكرد.

زۆرترین بینراو