ئێران سنوورەكانی حاجی ئۆمەران تۆپباران دەكات

ئێران سنوورەكانی حاجی ئۆمەران تۆپباران دەكات


ئەمڕۆ نیوەڕۆ هێزەكانی ئێران بە چڕی شاخەكانی (بەردە سۆران)ی سەر بە ناحیەی حاجی ئۆمەرانیان تۆپباران كرد.
بە پێی راگەیاندراوەكانی حزبی دیموركاتی كوردستان و كۆمەڵەی زەحمەتكێشانی كوردستان، كاتژمێر 1 و نیوی ئەمڕۆی، هێزەكانی سەربازی ئێران ویستوویانە لە بنكەكانی هێزەكانی ئۆپۆزسیۆنی ئێرانی لە سنوورەكانی نێوان ئێران و هەرێم نزیك ببنەوە، بۆیە شەڕ لە نێوان هەر دوولا روویداوە و دوای دوو كاتژمێر رووبەروو بوونەوە، هێزەكانی ئێرانی پاشەكشەیان كردووە، دواتر بە تۆپە دوورهاوێژەكانیان ئەو شوێنەی رووبەروو بوونەوەكەی لێ روویداوە تۆپباران كردووە، كە دەكەوێتە شاخەكانی بەردەسۆرانی سەر بە ناحیەی حاجی ئۆمەران.
بە پێی راگەیاندنی هەر دوو هێزە كوردییەكە هیچ زیانێكی گیانییان بەر نەكەوتووە. هەر دوولاش ئەم هێڕشەی هێزەكانی ئێران بۆ سەر پێگەی خۆیان ناوزەد كردووە.

زۆرترین بینراو