ئێزدییەكان بێ دڵنیایی ئەمنی ناگەرێنەوە شنگال

ئێزدییەكان بێ دڵنیایی ئەمنی ناگەرێنەوە شنگال

رەمەزان هەرنی – زاری كرمانجی : ئێزدیەكان پێیانوایە هیچ جارێك ناگەڕێنەوە شارەكەیان تا دڵنیاییان نەبێ بۆ پاراستنیان، وەكو خۆیان دەڵێن، ئەوان تاقەتی كۆمەڵكوژی و شەڕیان نییە و هەموو هیوایەكیان ئەوەیە كە پارێزراو بن.
ئەلیاس عەبدوڵڵا، خەڵكی كۆمەڵگەی گرعزێرە لە باشووری قەزای شنگال بە زاری كرمانجی گووت:" دەبێ سەرەتا خزمەتگوازی بۆ شارەكە دابین بكرێت و دواتر خەڵك بگەڕێنەوە شارەكە، ئەو شارە وێرانە و نازانین بچینە كوێ، خۆ ئەگەر شارەكەمان هەمووی ئاوەدان بێت و هیچ خزمەتگوزاریی نەبێت ئەی چی لەو شارەكە بكەین ئەگەر شارەكە یەك بستی ئەمنی نەبێت ئێستا دەیان گرووپ و ئاڵا لە شنگال هەن.
ناسر شەهوانی، خەڵكی تل بەناتە كە دەكەوێتە سنووری قەزای شنگال بە زاری كرمانجی راگەیاند:" شارەكەمان هەمووی كاول بووە، جگە لەوەش ئەوانەی دەستیان بە خوێنی ئێزدییەكان سوورە ئێستا هەموویان لە دەورەبەری شارەكەمانن هێشتا شارەكە لە مەترسییەكی گەورەدایە، تا گەرەنتیی ئەمنیمان نەبێ، ئەوها ناگەڕێینەوە، چونكە بۆ ئەوەی ڕووبەڕووی مەترسی نەبینەوە، دەبێ بە سەرپەرشتیی نێودەوڵەتی خەڵك بگەڕێتەوە".

زۆرترین بینراو