ئەمریکا: به‌رده‌وام ده‌بین له ‌پشتیوانیكردنی هەرێمی كوردستان

ئەمریکا: به‌رده‌وام ده‌بین له ‌پشتیوانیكردنی هەرێمی كوردستان

زاری كرمانجی - لە ساڵیادی 30 ساڵەی بڕیاری 688 دامەزراندنی ناوچەی دژەفڕین بەسەر ئاسمانی هەرێمی کوردستاندا، کونسوڵخانەی گشتیی ئەمریکا لە هەولێر رایگەیاند، وڵاتەکەی پابەندبوونی بە پاڵپشتیکردنی گەلی کورد دووپاتدەکاتەوە و بەردەوام دەبێت لە پشتیوانیکردنی.

ئەمڕۆ دووشەممە 5 ی 4 ی 2021 ، کونسوڵخانەی گشتیی ئەمریکا لە هەولێر رایگەیاند، لە رۆژێکی وەک ئەمڕۆدا لە ساڵی 1991 ویلایەتە یەکگرتووەکان یارمەتیدەربوو لە دامەزراندنی نەوای ئارام، ئەویش لە رێی سەپاندنی ناوچەی دژەفڕین لە سەرو هێڵی ٣٦ لە عێراق بۆ دڵنیاییدان لە سەلامەتی گەلی کورد.

 راشیده‌گه‌یه‌نن، ویلایەتە یەکگرتووەکانی ئەمریکا پابەندبوونی خۆی بە پاڵپشتیکردنی گەلی کورد دووپاتدەکاتەوە و بەردەوام دەبێت لە پشتیوانیکردن لە هەرێمی کوردستانی بەهێز لە چوارچێوەی عێراقی فیدراڵدا.

لە رۆژی 5ی 4ی 1991  ئەمریکا و ئەندامانی دیکەی ئەنجومەنی ئاسایشی نەتەوەیەکگرتووەکان بڕیاری 688یان دەرکرد، کە تیایدا لەرژێمەکەی سەدام حوسێنی قەدەغەکرد فڕۆکە جەنگییەکانی بەسەر ئاسمانی هەرێمی کوردستاندا هاتووچۆ بکەن.

 

 

 

زۆرترین بینراو