ئەمڕۆ قایمقامێكی نوێ بۆ سۆران دیاریدەكرێت

ئەمڕۆ قایمقامێكی نوێ بۆ سۆران دیاریدەكرێت

زاری كرمانجی - سۆران : ئەمڕۆ چوارشەممە ئەنجوومەنی پارێزگای هەولێر كۆدەبێتەوە و دەنگ لەسەر كاندیدێك بۆ پۆستی قایمقامی سۆران دەدات و قایمقامێكی نوێ بۆ ئەو قەزایە هەڵدەبژێردرێت، ئەمەش لە دوای ئەوە دێت كە كرمانج عزەت دوای 16 ساڵ و پێنج مانگ مانەوە لەپۆستی قایمقامی سۆران، رۆژی دووشەممە بەئامادەبوونی بەرێوەبەر و بەرپرسانی دامەزراوەكانی حكوومەت پۆستەكەی بەجێهێشت.
كرمانج عزەت لە 28/4/ 2004 وەك قایمقامی سۆران دەست بەكاربوو، لە 28/9/2020 دەستی لەپۆستی قایمقامیەتی سۆران هەڵگرت، بەمەش درێژترین ماوەی پۆستی قایمقامیەتە لە سنووری پارێزگای هەولێر.
مەغدید حەمەد حوسێن، بە وەكالەت لە شوێنەكەی دەستبەكار بوو تا هەڵبژاردنی قایمقامی نوێ، رێكارە یاساییەكانی تەواو دەكات و دەستبەكاردەبێت.
بریارە ئەمڕۆ كاتژمێر 10:30 ی بەیانی ئەنجوومەنی پارێزگای هەولێر كۆببێتەوە و دەنگ لەسەر هەڵگورد نەجیب عوسمان وەك قایمقامی قەزای نوێی سۆران بدرێت".

بیروڕا

زۆرترین بینراو