ئەمڕۆ و سبەی یارییەكانی چامپیۆنزلیگ بەڕێوەدەچن

ئەمڕۆ و سبەی یارییەكانی چامپیۆنزلیگ بەڕێوەدەچن

زاری كرمانجی-ئاژانسە هەواڵە وەرزشیەكان: ئەمڕۆ سێشەممە گەڕی سێیەمی قۆناغی یەكەمی خولی یانە پاڵەوانەكانی ئەوروپا بۆ تۆپی پێ بەڕێوە دەچێت, لە 8 یاریگەی وڵاتانی ئەوروپا كێبركێكانی گەیشتن بە قۆناغی دووەمی چامپیۆنزلیگ بەردەوامەو لە كۆمەڵەی یەكەم یانەی كڵۆب برۆجی بەلجیكی كاتژمێر 10 ی شەو بە كاتی كوردستان لە یاریگەی خۆی میوانداری باریس سان جێرمانی فەڕەنسی دەكات و یانە بەلجیكیەكە لە دوو گەڕی رابردوو دوو خاڵی بەدەستهێناوەو لە ریزبەندی دووەم دێت لە دوای پاریسی یەكەم كە دوو بردنەوەو 6 خاڵی هەیە بە بردنەوەی لە ریال مەدرید و گەڵاتەسەرای, لە هەمان كاتدا یاری دووەمی كۆمەڵەكە یانەی مەلەكیە كە ئەمساڵیش وەك وەرزی رابردووی ئەم پاڵەوانیەتیە بە بارودۆخێكی خراپ تێدەپەڕێ لە ئەستەمبۆڵ دەبێتە میوانی گەڵاتەسەرای و ئەویش بە تەنها خاڵێك لە دۆڕانێك بە فەڕەنسیەكان و یەكسان بوونی لەگەڵ كڵۆب برۆج ریزبەندی سێیەمی گرتووە, لە كۆمەڵەی دووەمیش یانەی ئۆڵمپیاكۆسی یۆنانی كاتژمێر 10 ی شەو لە یاریگەی خۆی رووبەڕووی یانەی بایرەن میونخی ئەڵمانی دەبێتەوەو ئەڵمانیەكان بە 6 خاڵ سەرووی ریزبەندی ئەم كۆمەڵەیان گرتووەو خاوەن ماڵ بە تەنها خاڵێك لە سێیەم دێت, تۆتنهامی ئینگلیزی كە حاڵی لە ریال مەدرید باشتر نیە كاتژمێر 10 ی شەو لە یاریگەی خۆی لەگەڵ یانەی سرڤینا زڤریدا سڕبی یاری دەكات و یانەی میوان لە پلەی دووەمی كۆمەڵەكە دێت بە 3 خاڵ لە بردنەوەیەك و دۆڕانێك, سێیەم یاری بەیانی كاتژمێر 10 ی شەو لە نێوان مانچستەرستی ئینگلیزی و ئەتلانتای ئیتاڵی دەبێت لە یاریگەی ئیمارات, لەم یارییەی كۆمەڵەی سێیەمدا یانە ئینگلیزیەكە دەیەوێ لەدوای بەدەستهێنانی 6 خاڵی دوو یاری رابردوو هەرسێ یارییەكەی قۆناغی چوون بگەیەنێتە 9 خاڵ و لە یەكەمی ریزبەندی كۆمەڵەكەی بمێنێتەوە, هەرچی یانە ئیتاڵیەكەیە لە دوو یاری رابردوودا شكستی هێناوەو لە پلەی چوارەم گیرساوەتەوە, لە كاتژمێر 7 و 55 خولەكدا هەردوو یانەی شاختاری ئۆكرانی و دینامۆ زەگرەب كرواتیا كەلە پلەی دووەم و سێیەمی كۆمەڵەكە دێن بە كۆكردنەوەی 3 خاڵ و بردنەوەو دۆڕانێك لە یاریگەی یەكەمیان شەڕیانە بۆ زیادكردنی خاڵەكانیان بۆ 6 خاڵ, بەڵام لە كۆمەڵەی چوارەم كە یۆڤانتسی ئیتاڵی و ئەتلەتیكۆ مەدریدی ئیسپانی بە جیاوازی گۆڵ پلەی یەكەم و دووەمیان گرتووە بە 4 خاڵ, سبەینێ لە كۆتا گەڕی قۆناغی چوون یانە ئیتاڵیەكە كاتژمێر 10 ی شەو میوانداری یانەی لۆكۆمۆتیڤی رووسی دەكات كە ئەویش بە 3 خاڵ لە بردنەوەیەك و یەكسانێك لە ریزبەندی سێیەم دێت و ئەتلەتیكۆ مەدیدیش كاتژمێر 7 و 55 خولەك لە یاریگەی خۆی رووبەڕووی یانەی بایەرلیڤەركوزنی ئەڵمانی دەبێتەوە كە هەردوو یاری رابردووی دۆڕاندووەو خاوەنی هیچ خاڵ نیە.
لە یارییەكانی سبەی چوارشەممە لە كۆمەڵەی پێنجەم یانەی ناپۆڵی ئیتاڵی كاتژمێر 10 ی شەو دەبێتە میوانی رێدبۆڵی نەمسایی كە خاوەنی 4 خاڵی پلەی یەكەمەو یانە نەمساویەكە بە 3 خاڵ لە دوای ئەو دێت, هەر لەم كۆمەڵەیەداو لە هەمان كات یانەی جیمكی بەلجیكی رووبەڕووی یانەی لیڤەرپوولی ئینگلیزی خاوەنی نازناوی وەرزی رابردووی چامپیۆنزلیگ دەبێتەوەو ئینگلیزەكان بە بردنەوەیەك لە رێد بۆڵ و دۆڕانێك بەرامبەر ناپۆڵی خاوەنی 3 خاڵەو یانە بەلجیكیەكە تەنها خاڵێكی هەیە, لە كۆمەڵەی شەشەم ركابەری زۆر لە نێوان دۆرتمۆندی ئەڵمانی و بەرشەلۆنەی ئیسپانی دەبیندرێت و هەردووكیان بە كۆكردنەوەی 4 خاڵ ریزبەندی یەكەم و دووەمیان گرتووە, كاتژمێر 10 ی شەو یەكەمیان لە دەرەوەی یاریگەی خۆی دەبێتە میوانی ئینتەرمیلانی ئیتالی كەلە پلەی سێیەمی كۆمەڵەكەی خۆی دێت بە تەنها 3 خاڵ لە بردنەوەی بەرامبەر سلاڤیای چیكی و دۆڕانێك بەرامبەر بەرشە, یاری دووەمی ئەم كۆمەڵەیە هەر لە كاتژمێر 10 ی شەودا لە نێوان سڵاڤیا براگی چیكی و بەرشەلۆنەی ئیسپانی دەبێت سلاڤیا یارییەكی یەكسان كردووەو یەكێكیشی دۆڕاندووە, لە كۆمەڵەی حەوتەمیش لایبزكی ئەڵمانی كاتژمێر 7 و 55 خولەك رووبەڕووی زینیتی رووسی دەبێتەوە كە بە 4 خاڵ بە جیاوازی گۆڵ لەگەڵ لیۆن یەكەم و دووەمی كۆمەڵەكەن, لە یارییەكی تردا بەنفیكای پورتوگالی چوارەمی ئەم كۆمەڵەیە كاتژمێر 10 ی شەو لە یاریگەی خۆی میوانداری لیۆن دەكات و لە دوا كۆمەڵەش یانەی ئەیاكسی هۆڵەندی و چێڵسی ئینگلیزی لە یاریگەی یەكەمیان كاتژمێر 7 و 55 خولەك یاری دەكەن و هۆڵەندییەكان بە كۆكردنەوەی 6 خاڵ سەرووی ریزبەندییان گرتووەو لە بردنەوەو دۆڕانێك خاوەنی 3 خاڵە, دوا یاری قۆناغی چوون یانەی ڤالەنسیای ئیسپانی كەلە پلەی سێیەم دێت دەبێتە میوانی یانەی لێلی فەڕەنسی دوا تیپی ئەم كۆمەڵەیە كە هەردوو یاری رابردووی دۆڕاندووە.

بابەتى پەیوەندیدار وەرزشى

زۆرترین بینراو