ئەمڕۆ 29 ساڵ بەسەر راپەڕینی دەڤەری سۆران تێدەپەڕێت

ئەمڕۆ 29 ساڵ بەسەر راپەڕینی دەڤەری سۆران تێدەپەڕێت

زاری كرمانجی-سۆران: لە رۆژێكی وەك ئەمڕۆدا 29 ساڵ لەمەوبەر خەڵكی دەڤەری سۆران، دژ بە رژێمی بەعس راپەڕین و بە تۆماركردنی خوێنی سێ‌ شەهید تەوای ناوچەكە لە بەعس پاككرایەوە.
دوای بەرنامەو پلانێكی داڕێژراو لە رێگەی رێكخستنە نەهێنییەكان و لەرۆژی 10-3-1991 خەڵكی دەڤەری سۆران، دژبە رژێمی بەعس راپەڕین و توانیان تەواو رەبایەو مۆڵگەكان لە ناوچەكەدا پاكبكەنەوە، كە ئەم راپەڕینە بە خوێنی سێ‌ شەهید تۆماركرا، بەناوەكانی (تاهیر عەبدولڵا پیرسوەیی، باقی بارزانی، شاكر خان ئەحمەد باڵەكی).
لە رۆژانی دواتریش راپەڕینەكە لە شارو شارۆچكەو ناوچەكانی دیكە بەردەوام بوو، تا ئازادكردنی شاری كەركوكی دڵی كوردستان، ئەمەش بە دەسكەوتێكی مەزن دادەنرێت و ساڵانە ئەم یادە بەچەند چالاكیەك بەرزو پیرۆز رادەگیرێت.

 

 

 

زۆرترین بینراو