ئەو كەسانە كێن خەڵك خۆشیان ناوێت

ئازاد محەممەد بەرگركەیی

 

تائێستا لەخۆتت پرسیوە بۆچی هەندێك كەس لای خەڵك زۆر خۆشەویستن و هەندێكی تریش بەپێچەوانەن ، ئەتەوێت پێت بڵێم وبزانی كێن, ئەو جۆرە كەسانەی خەڵك خۆشیان ناوێت و نایەنەوێت لەهیچ كات وشوێنك ئەو جۆرە كەسانەیان لێ نزیك بكەونەوە.
یەكەم: لوت بەرزەكان, مرۆڤە لوت بەرز و بەگەورە زانەكان خۆشەویست نین لای خەڵك،چونكە هەمیشە خۆیان لەخەڵك بەجوانتر و پیرۆزتر ئەزانن, ئەوەش سەرنەكەوتنینانە لەژیان،چونكە دارێك گەر بەرێكی باشی پێوەبێت گەڵاكانی شۆڕەدەبنەوە خوارێ، هەمیشە ئەو گوڵەگەنمەی هیچ گەنم و دانێكی پێوە نیە لووتی لەئاسمانە،وەكو گەڵا سوك و بێ وەزنن نقوم نابن.
خاڵی دووەم: حەسوودەكان واتە بەخیلەكان, مرۆڤی حەسوود وەكو ئەوە وایە، قەنناسەیەكی بەدەستەوە گرتبێت و بەرامبەر خەڵك وەستابێت، خەڵكیش ئامادە نیە خۆی و ماڵ ومناڵ و داهات و كەلو پەلی خۆی بۆنمایش بكات، بەڵكو لێی دەشارێتەوە ولەبەری ڕائەكات.
سێیەم: چروكو ڕەزیلەكان, ڕەزیلی و دەست توندی دەردێكی هێندە كوشندەیە تەنانەت ماڵ و منداڵی خۆشت لێ وەرەز و بێزارئەبن، زۆر جاریش ئەبێتە هۆكاری ئەزیەتدانی خۆدی خۆت و بێ بەشبوونت لە شتەگرنگیەكانی ژیان.
چوارەم: بەرژەوەندچی و خۆپەرستەكان, ئەوانە هەر ئەوەندە هاوڕێیەتی مرۆڤەكان دەكەن, تا بەرژەوەندی خۆیان هەیە لەگەڵتن ژیان كردن لەگەڵ ئەو جۆرە كەسانەدا زۆر سەخت ودژوارە, چونكە هەركاتێك بەرژەوەندی نەما پشتت تێ ئەكەن.
پێنجەم: تووڕەو گرژو مۆنەكان, ئەوانەش هەر لەهەنجەت وبڕو بیانو ئەگەڕێن و بەگومان ئەڕوانە دەوورو بەریان، بەدوو قسە ئەچنە سەر كەڵیدار و وەك شێر زۆر هەڵەچن وناخی خۆیان ئەڕێژن.
شەشەم: درۆزنەكان , تا درۆ هەبێ بەلای ڕاستیەوە ناچن،مرۆڤ گەر ئامادەبێت درۆ بكات هەموو كارێكی تری لێ چاوەڕوان دەكرێت,
حەوتەم: جاسووسەكان, ئەوانەی وەكو كامیڕای چاودێری بەسەرتەوەن، گەرەكیانە لەتەواوی جموجۆڵەكانی ژیانت تێبگەن,ئەبێ زۆر ژیرانە لەخۆیان دووربخینەوەو شتەتایبەتەكانی ژیانیان بۆ دیار و بەرچاو بخەین.
هەشتەم: زۆر بڵێیەكان, ئەوانە هەر ئەوەندە لەكۆڕ و مەجلیسێك دانیشتن، ئێدی دەرەفەت بەكەسی تر نادەن بۆقسەكردن، هێندە قسەی بێ كەڵك ودووبارە ئەكەنەوە لەبەر بۆن و تفی دەمیان دەووروبەریان تەواو بێزاردەكەن.
نۆیەم: خۆ هەڵقورتێنەكان, ئەوانەی زۆر ڕووئەچن لەئیش وكاری تایبەتی خەڵك, پرسیاری لێوە ئەكەن یەك لەسیفەتە بەرزەكانی ئیسلام ئەوەیە واز لەهەموو ئەوشتانە بهێنێت, كەدورو نزیك پەیوەندی بەتۆوە نەبێ.
دەیەم: دەم شوڕو زمان زبرەكان, ئەم جۆرەكەسانە وەك دووپشك وان كاریان تەنها پێوەدانە،وەكو پێشوولە و مێشەڕەشكە وان تەنها لەسەربرین ئەنیشن.
یازدەم: پیس و پۆخڵ و بێ كارەكان, ئەوانەی بۆن وبەرامیان ناخۆشەو ئەتەكێتی نین ، بێ كار ئەجوڵێنەوە ڕێزلە كاتی خۆیان وبەرامبەرەكەشی ناگرنێت، گرینگی بەجەستەو ڕوخسارو تەندروستی خۆیان نادەن, بێ پەیام وئامانج خەون وخولیا ژیان ئەگوزەرێنن.
دوازدەم: خائن وبێ وەفاو بێ ڕەحمەكان, ئەوانە لەكوێ دەرفەتیان قۆزتەوە تیری ژەهراوای ئەوشێنن، بێ نمەك و سپڵەن، ویژدانیان بەرامبەر هیچ شتێك ناجولێت، وەك ڤایرۆس و میكڕۆب و چەكی ئەتومین بۆ كۆمەڵگەو دەورو بەریان, خەڵك تا بۆی دەكرێت خۆی لەم جۆرە كەسانە ئەپارێزیت و خۆی دوورەپەرێز دەگرێت.

بابەتى پەیوەندیدار بیروڕا

گەنج و داینەموو

گەنج و داینەموو

دەرمانناسی

دەرمانناسی

رواندزیانی

رواندزیانی

بیروڕا

زۆرترین بینراو