باران عەلی : بۆ خزمەتكردنی ئافرەتان پرۆژە و پلانی زۆرمان هەیە

باران عەلی : بۆ خزمەتكردنی ئافرەتان پرۆژە و پلانی زۆرمان هەیە

رەمەزان هەرنی – مێرگەسۆر: ئەنجوومەنی ئافرەتانی مێرگەسۆر سەر بە یەكێتی ئافرەتانی كوردستانە و چەند ناوەندو ئەندامی هەیە لەسنووری قەزای مێرگەسۆر بە گشتی كارو چالاكییەكانیان ئەنجام دەدەن بە شێوەیەكی بەردەوام .
* تا ئێستا بارەگا و شوێن و پێداویستی بارەگا و پێداویستییەكانی خۆتان بۆ دابینكراون، ئەگەر دابین نەكراون هۆكار چییە خۆتان داواتان نەكردووە یا بۆتان دابین نەكراوە؟
- بارەگامان هەیە لە ناو مێرگەسۆر، بەڵام بینایەكە بە كرێ گیراوە. و پێداویستییەكان هەندێك خۆی تێدا بوو، ئەوەی دیكە تا ئێستا بۆمان نەكراوە، ئێمە بەشێكین لە سكرتارییەت بۆیە داوای ئێمە ئەوەیە هاوكارمان بن و پێداویستییەكانمان بۆ دابین بكەن.
* كاروچالاكیتان بەگشتی لەچ بوارێكدان، تاچەند توانیوتانە بەگوێرەی داواكاری و حەزی ئافرەتانی سنوورتان چالاكی ئەنجام بدەن؟
- كار و چالاكیمان هەمە رەنگ و لە هەمووبارەكانی گشتی تایبەت بەئافرەتانن بەتایبەت لە رووی (هوشیاری، تەندروست، پەروەردەیی و پێگەیاندنی ئافرەتان) هیوادارین توانیبێتمان جێگای رەزامەندی ئافرەتان بین.
*ساڵانە چ جورە خولێك لە سنوورتان دەكەنەوە؟
- لە راستیدا ئێمە ماوەیەكی كەمە دەست بەكار بوین، بێگومان خولمان كردۆتەوە، بەرنامەشمان هەیە چەندین خولی جیاواز بكەینەوە لەرووی پێداویستی كردنەوەی خول هەر وەك پێشتر باسم كرد كەم و كورتی و پێداویستیمان زۆرە، تا ئێستا هەولمانداوە بەهەر جۆرێك بێت بەڕێوەی ببەین بە هاوكاری چەند لایەن و كەسانی دڵسۆز.
* لەرووی وەرزشییەوە هۆلی تایبەت بەئافرەتان یا یاریگاتان هەیە؟
- نەخێر هۆلی وەرزشی و یاریگای وەرزشی تایبەت بە ئافرەتان مان نییە، لە هەوڵداین بۆ كردنەوەی هۆلێكی وەرزشی، چونكە لە ئێستا وەرزش پێویستییەكی جیهانییە بۆ تەندروست مانەوەی مرۆڤ، خانمان زیاتر حەز دەكەن وەرزش بكەن بۆ ئەوەی رێك دەربكەون و تەندروست بن.
* دووریتان لە سەنتەری هەولێر و شوێنی جووگرافیتان چەند رێگرە لە گەیشتنی داواكارییەكانتان بۆ سكرتارییەتان و بەشداری ئەوان لەچالاكییەكانتان و هەروەها ئەنجامدانی چالاكی ئێوە لە گوندەكان؟
- راستە مێرگەسۆر دوورە و شوێنی جوگرافیمان سەختە و بەر بڵاوە، بەڵام پەیوەندی باشمان هەیە لەگەڵ سەرووی خۆمان و گەیاندنی داواكارییەكانمان، بێگومان داوا لە هەڤاڵانی سكرتارییەت بكەین بۆ ئامادە بوونیان لە چالاكییەكانمان بە پێی پێویست ئامادە دەبن، بۆ ئەنجامدانی چالاكیش لە سنوورەكەمان تا ئێستا كێشەیەكمان نەبووە لە هەركوێ پێویست بوو بێت چالاكی ئەنجام دراوە.

 

زۆرترین بینراو