بارزان : بە بەشداری 17 گرووپ ڤیستیڤاڵی پاییزی شاخەوانی سازكرا

بارزان : بە بەشداری 17 گرووپ ڤیستیڤاڵی پاییزی شاخەوانی سازكرا

رەمەزان هەرنی – بارزان : سەنتەری بارزان بۆشاخەوانی ژینگە پارێزی لە سەیرانگای گەلی زۆرەگڤان لە دەڤەری بارزان ڤیستیڤاڵێكی پاییزی شاخەوانی ئەنجامدا بۆ ژمارەیەك گرووپی شاخەوانی لەسەر ئاستی كوردستان و چەندین چالاكی تریش بەرێوە چوون لە كاتی كردنەوەی ڤیستیڤاڵەكە و قایمقامی مێرگەسۆر و بەرێوەبەری گەشتوگوزاری مێرگەسۆر بەشداری كردنەوەی ڤیستەڤاڵەكە بوون و رێكخراوی گوڵ و سروشت لە بارزان پێشانگایەكی فۆتۆ گرافی كردەوە لە دەستپێكی كردنەوەی ڤیستەڤاڵەكەدا.
ئەنوەر دوڵەمەری , سەرۆكی سەنتەری بارزان بۆ شاخەوانی و ژینگە پارێزی بە زاری كرمانجی گوت:" بۆ یەكەم جارە سەنتەری بارزان ڤیستیڤاڵێكی پاییزی ئەنجام بدات لە سەیرانگای گەلی زۆرەگڤان لە دەڤەری بارزان, لە كاتی كردنەوەی ڤیستەڤاڵەكە غەفور ئەحمەد قایمقامی مێرگەسۆر و بەرێوەبەری گەشت و گوزاری مێرگەسۆر بەشدار بوون لە گەڵمان لە هەمانكاتدا رێكخراوی گول و سروشت كە رێكخراوی تایبەتە بە گولی سروشتی پێشانگایەكی فۆتۆی كردەوە لەسەیرانگای گەلی زۆرەگڤان, لەسەرەتا دا ژمارەیەك خەڵات و دیاری بەسەر بەشداربووان لە بوارە جیاوازەكان دابەشكران لەلایەن سەنتەری بارزان بۆ شاخەوانی و ژینگە پارێزی.
ئەنوەر گوتیشی:" ئەم ڤیستیڤاڵە دوو رۆژ و یەك شەو بەردەوام بوو ل سەیرانگای گەلی زۆرەگڤان تێدا 17 گرووپ بەشدار بوو لەسەر ئاستی كوردستان و كە ژمارەی بەشدار بووان نزیكەی 400 شاخەوان بوون و تێدا ژمارەیەكی زۆر میوانیش بەشدار بوو لە هەموو بوارەكان و چەندین شاعیرو هونەرمەندی كەسی تر لە گەڵمان بەشدارن لە ڤیستەڤاڵەكەدا, هەڵمەتێكی ژینگە پارێزیش ئەنجامان دا، لەگەڵ ئەنجامدانی ڤیستیڤاڵێك كە دروشمی ئێمە شاخەوانی و ژینگە پارێزیە .

زۆرترین بینراو