بازاڕی كەل و پەلی نێوماڵ سست بووە

بازاڕی كەل و پەلی نێوماڵ سست بووە

محەمەد ئامۆكەیی= زاری كرمانجی: قەیرانی دارایی و دواكەوتنی موچە بەشێوەیەك كاری كردۆتە سەر سەرجەم سێكتەرەكانی ژیان و ئەمەش وایكردووە كە بازاڕی كەل و پەلی كارەبایی سست بێت، دوكاندارێك ئاماژە بەوەكات كە بازاڕیان خراپە و خەڵك وەك جاران سەردانیان ناكەن و ئەوانەشی قەرزاریانن بەهۆی دواكەتنی موچە پارەكانیان بۆناگەڕێنەوە، هاونیشتیمانێك باس لەوەدەكات ئێستا ژیان سەخت بووە توانای چاكردنەوەی ئامێرێكی كارەبایمان نەماوە نەك بیكڕین.
سەربەست محەمەد، خاوەنی پێشانگای كەل و پەلی ناوماڵە دەڵێت" ئەمساڵ دواكەتنی موچە و هاتنی كۆرۆنا كاریگەری هەبووە لەسەر كزبوونی بازاڕ بەجۆرێك هەندێ جار بەهەفەتیەك ناتوانین بای ملیۆنێك دینار كەل و پەل بفرۆشین، زۆربەی ئەوانەشی سەردانمان دەكەن ئەگەر بۆ شتێكی زۆر پێویست نەبێت نایكڕن، ئەم بێ بازاڕیە وایكردووە كە هەندێ مانگ كرێی دوكانمان پێ نەدرێت هۆكارەكەشی دەگەڕێتەوە بۆ دواكەتنی موچە، چونكە بە 50 رۆژ جارێك موچە دێت خەڵك نازانێت ئەو بڕە پارەیە چی لێَََََبكات لەقەرزی بداتەوە یان ماڵ و منداڵی پێ بژینی، قەرزار هەبووە شەش مانگ زیاترە نەیتوانیوە قەرزەكەی بداتەوە ئێمەش ناتوانین گلەی لێ بكەین.
خاوەن پێشانگایەكی تریش گووتی"زۆرترین كڕیارم ئەوانەن كە دەچنە نێو پڕۆسەی هاوسەرگیری ئەبێت بەخۆی بێت یان ناخۆشی كەل و پەلی ناو ماڵ بكڕن، ئەگەر نا خەڵكی تر بۆ شتێكی پێویست نەبێت نایەن ئێستا وەرزی هاوینە زیاتر ئامێرە فێنككەرەوەكان خواستیان لەسەرە بەهۆی دواكەتنی موچە ناشتوانین وەك پێشان ئامێرەكان بە قیستی مانگانە بفرۆشین لەبەر ئەوەی موچە دوادەكەوێت.
عەلی ئیبراهیم، فەرمانبەری حكوومەتە لەگەڵ خێزانی بۆ كڕینی ئامێرێكی فێنككەرەوە هاتۆتە پێشانگای كەل پەلی ناوماڵ دەڵێ" دۆخی دارایی سەختە ئەگەر گەرمای هاوین نەبا زۆر ئەستەم بوو بێم بۆ كڕینی فێنككەرەوە لەبەر ئەوەی موچە دوادەكەوێت، ئێستا وامان لێهاتووە ئەگەر ئامێرێكی تیڤی تێك بچێت چاكی نەكەینەوە چونكە خەڵك نازانێت چی بكات ئەو بڕە موچەیەی هەیە لەچ شتێك خەرجی بكات، پێشتر ماڵەكان لە زۆربەی ژورەكان ئامێری تیڤیان دادەنا ئێستا دوو لەو ئامێرانەم تێكچونە نەمبردوون بۆ چاككردنەوەی هۆكارەكەشی بێ پارەییە و هیچی ترنا.

 

زۆرترین بینراو