باڵەكانی یەكێتی چاك دەبنەوە

فەخرەددین سرێشمەیی

یەكێتی نیشتمانی لەگەل گرێدانی كۆنگرە زۆربەی بەرپرسە باڵاكانی یەكێتی ڕایان گەیاند كە هیچ شتێك بەناوی باڵ بوونی نەماوە لە ناو یەكێتی، بەڵكو ئیستا یەكێتی حزبێكە یەك دەست و یەك بڕیارە، كەچی هەر لەدوای ڕاگەیاندنی بەلاغی كۆتایی كۆنگرە هاوسەرۆك بۆ ئەو حزبە داندران، ئەو كات زانیم قەیران بەقەیران چارەسەر دەكەن و بە پینە و پەڕۆ كێشەكان دادەپۆشن، كەچی لەدوای دیارنەمانی هێرۆخان كێشەكان زیاتر بوون، لەهەموو سەیرتر ئەوەبوو مەكتەبی سیاسی بەیاننامەیەكی بڵاوكردەوە كە پشتگیری تیمی یەكێتییان لە حكومەت كرد، دوای ماوەیەكی كەم سڕایەوە، ئەوەش دەرخەری ئەو ڕاستییەیە كە پەندێكی كوردی هەیە دەڵێت یەكێتی لەگەل گورگ گۆشت دەخوات لەگەل مەڕیش شین دەكات، بۆیە لاهور جەنگی كە یەكێك لەكارەكتەرە بەهێزەكانی ناو یەكێتییە دەستی بەسەر جومگەكانی ئەو حزبەدا گرتووە، هەر كاتێك یەكێتی كۆنگرەی خۆی بەست كە بەگۆنگرەی 5 ناودەبڕدرێت كوڕەكانی شێخ جەنگی دەست بەسەر یەكێتی دادەگرن، واتە ئەوەمان دەردەكەوێت هەتا ئەوكات دووباڵ لەناو یەكێتی بوونی دەبێت، بۆیە لەئیستادا نەك باڵەكان درووست بوونەوە و باڵی یەكتر دەشكێنن، بەڵكو ئیسقانی یەكتر ووردو خاش دەكەن.
دوای ئەم بابەتەی لە نێوان هاوسەرۆكی یەكێتی و كەتەبی سیاسی روویدا، چەند ئەندامی سەركردایەتی و كەسایەتی دیاری یەكێتی سەرسوورمانی خۆیان بۆ ئەو بابەتە دەڕبڕی، هەتا یەكێك لە كادیرانی دیاری یەكێتی لە تۆڕەكۆمەڵایەتییەی خۆی نووسیبووی " بۆتە خوو كە هەموو مانگێك سەركردەكانی یەكێتی بە هەڵوێست و لێدوانی دژ بەیك و جیاواز، ئەندامان و لایەنگیرانیان تووشی شەرمەزاری نێو شەقام دەكەن".
هەندێك لە سەركردەكانی پێشووی یەكێتی كە ئێستا پەراوێز خراوون دۆخی یەكێتی بە " شێواو" وەسف دەكەن و پێیانوایە "یەكێتی بەم جۆرە سیاسەتە رووبەرووی كێشەی مەزن دەبێتەوەو زیانی مەترسیدار بەر یەكێتی و هەتا كیانی سیاسی و ژیانی سیاسی لە هەرێمی كوردستان دەگەینن"، بۆیە پێیانوایە "یەكێتی دوای كۆنگرە نەك هەر نەیتوانیوە بە شێوەیەكی ژیرانە بڕیار بدات، بەڵكو لە حزبێكی سۆسیاڵ دیموكراتەوە بۆتە حزبێك كە چەند كەسێك لە نێو بنەماڵەیەكەوە بڕیار لەسەر چارەنووسی یەكێتی دەدەن ئەویش لەسەر بنەمایی رق و كینەی سیاسی و بەرژەوەندی كەسی و بنەماڵەیی".
ئەم هەڵوێستەی ژمارەیەك لە ئەندام و لایەنگیران و سەركردە كۆنە پەراوێز خراوەكانی یەكێتی تەنها پەیوەندی بە ئەگەر بابەتەكە شێواوی ناو یەكێتی نەبێت، چۆن دەبێت یەكێتی داوای هەڵوەشاندنەوەی حكومەتێك بكات كە بەخۆی دەوری كاریگەری تێدایە و بەرپرسیارییەتی هەبووە، پشكی شێری لە داهات و خێر و بێری ئەم حكومەت بەر كەوتووە.
بۆیە باڵەكانی ناو یەكێتی نەك هەر كم نەبوونەوە بەڵكو زیاتر بوون و رەنگە لەمەودوا ئەوەندەی خەریكی شكاندنی یەكیتر بن چ بە پارە یا هەر بابەتێكی كمتر بیر لەوە بكەنەوە بە سیاسەتێكی ژیرانە یەكێتی بەرو پێش ببن.

بابەتى پەیوەندیدار بیروڕا

زۆرترین بینراو