بنەمای پێكهێنانی پرۆسەی هاوسەرگیری

بنەمای پێكهێنانی پرۆسەی هاوسەرگیری

كاتێك دوو كەس دەیانەوە بچنە نێو ژیانی هاوسەری، هەندیك پەڵنەر هەن، وا لەو دو كەسە دەكەن ئەو بڕیارە بدەن، یاخود راستر بڵێین هەندێك بنەما هەن بۆ هەڵبژاردنی ئەو كەسەی دەیانەوێ ژیانی هاوسەرگیریی لەگەڵی ئەنجام بدەن، ئایا ئەو بنەمایانە چین، كە هانی گەنجەكانمان دەدەن پرۆسەی هاوسەرگیری ئەنجام بدەن، تا چەند بنەماكان و پاڵنەرەكان گونجاون، ئەمە دوای ئەوەی بە پێی ئامارەكان، ساڵانە لە كۆمەڵگەی كوردیدا، رێژەی جیابوونەوە لە بەرز بوونەوەدایە.
ئا/ رۆژ كوردستانی
هەلگورد محەمەد، گەنجێكی تەمەن 29 ساڵە و دانیشتوی كەلارە، لەبارەی پاڵنەرەكانی هاوسەرگیری لای گەنجان گووتی" لەم كاتەی ئێستادا، بەگشتی و بەتایبەت لەو شوێنانەی خەڵك كەمتر هۆشیارن و بە تەواوی تێنەگەیشتوون لە پرۆسەی هاوسەرگیری، و ژیانی دووكەس، پێم وابێ تەنها حەزێكە و هیچی تر، بەگشتی لەلای گەنجان تەنها حەزی سێكس پاڵنەرە بۆ ئەنجامدانی ئەو پرۆسەیە، و زۆرجار دەبینین دوای زەواج زۆر زوو پەشیمان دەبنەوە، چونكە نەبوونی لێكتێگەیشتن لە نیوان هەردوو ڕەگەز كێشە سەرەكیەكەیە، و باری ئابوری زۆركات كێشە دروست ئەكات، بەگشتی لەم چوار پێنج ساڵەدا ئەبینین لە تەمەنێكی تاڕادەیەك مناڵدا هاوسەرگیری دەكەن، و دوای یەك دووساڵ یان كەمتر جیائەبنەوە، ئەوەش دەگەڕێتەوە بۆ نە گونجاوی هەڵبژاردنەكەیان، كە دوای ماوەیەك لەو شتانە تێر دەبن و هاوسەرگیریەكە دەبیتە شتێكی بێزار كەر بۆیان، بۆیە جیا دەبنەووە، نموونەی زیندوو هەیە واتە هاوڕێی نزیكی خۆم هەیە، كەمتر لە دوسێ مانگ لە پڕۆسەكە پەشیمانی دەربڕیووە، كێشەی سەرەكی هەموو پەیووەندیەك بووتە پارە، و لێك تێنەگەیشتن و نەخوێندنەوەی بنەما جوانەكانی ژیانی ژن و مێردایەتی، و نەبوونی خۆشەویستی و پەیوەندی پێش هاوسەرگیری، هۆكارێكە بۆ ساردبوونەوە لەو پەیووەندییە، دواتر جیابوونەوە هەبوونی پەیوەندی خۆشەویستیەكی پاك پێش هاوسەرگیری، واتا لێك تێگەیشتنێك هەبێ لەنێوان كچ و كوڕدا، ئەوا بۆ دوای هاوسەرگیری ، كاتێك هەركێشەیەكیان هەبێت دەتوانن بە ئاسانی چارەسەری بكەن ".
نسار زەنگەنە، دانیشتووی هەولێرە و بەم شێوەیە بۆمان دوا" یەكەم شت پێویستە هەردوولا تەواو ئامادەی هاوسەرگیریبن لە رووی تەمەن، چونكه جاروی وا هەیە هەرزەكرێك ژیانی هاسەری پیك دێنێت، كە هیشتا ئەقلی كامل نیه و لە كێشەكان تێناگات، ئەوجا چ كچ یا كور وەك یەكن، هەروەها لە رووی ماددیەوە دەبێت كور ئامادەییەكی تەواوی هەبێت بۆ هاوسەرگیری، چونكه هاوسەرگیری پێویستی بە خەرجی هەیە، هەتا بۆ دوای هاوسەرگیرییش تاوەكو كیشە دروست نەبێ، هەروەها كچ و كور تەواو یەكتریان بە دل بێت، لەرووی جوانی و رەوشت بەرزی و ئاستی بیركردنەوەی خۆیان وخیزانەكانیان تاوەكو كێشە دروست نەبێ، هەروەها لەرووی جەستەوە پێویستە هەردوولا یەكتریان بە دل بێت و دەبێت یەكتر رازیبكەن، و رێزگرتن لە هەستی یەكتر سەرووی هەموو شتەكانەو رێزگرتن لە خێزانی یەكتر زۆر پێویسته، هەروەها راستگۆیی لە هەمووی پێویستره، ئەوجا چ باش بیت یا خراپ دەبیت راستگۆبن، جونكه درۆ كردن زۆر كێشەی گەورە بەدوای خۆی دەهێنیت و ئەبیته هۆی جیابوونەوە".
رەوان حوسێن، توێژەری كۆمەلایەتییە لەبارەی هەلبژاردەی هاوسەرگیری لای گەنجەكانمان گووتی" بە شێوەیەكی گشتی هاوسەرگیری، بریتییە لە پڕۆسەیەكی كۆمەڵایەتی لە نێوان دوو ڕەگەز ئەنجام دەدرێت، بۆ پێكهێنانی خێزان لەسەر بنەمای گرێبەستێكی كۆمەڵایەتی، هەرچەندە لەم دواییانەدا هەندێك گۆڕانكاری لەسەر ئەم پێناسەیە كراوە و دەكرێ وەكو (پڕۆسەیەك لە نێوان دوو تاكی هەمان ڕەگەزیش پێناسەی بكەین( كە بە پڕۆسەی كۆمەڵایەتی پێناسە دەكرێت، ئەوە دەگەیەنێت كە كولتوور و پێكهاتەكانی كولتوور بە راددەیەكی زۆر ڕۆڵیان هەیە لەم پڕۆسەیە، بە تایبەت ئایین، لە كۆمەڵگەی كوردی وەكو هەر كۆمەڵگەیەكی دیكەی رۆژهەڵاتی ناوەڕاست زیاتر پەیوەستن بە كولتوور و بە كۆمەڵگەیەكی خێڵەكی ناودەبرێن، بۆیە لە زۆر لایەنەوە بڕیار و كردارەكان بەپێی داب و نەریت و دەقی ئایین رێكدەخرێن، ئەمەش دەبێتە هۆی ئەوەی گەنجان زیاتر غەریزەكانیان سەركوت بكەن، بە تایبەت غەریزەی سێكس، و بە ڕێژەیەكی زۆریش گەنجان ئەم پڕۆسەیە بە ڕێگەیەكی رزگاركەری غەریزەكانیان دەزانن و وەكو بنەمای پەیوەندییەكەیان دادەنێن، هەر لەبەر ئەمەشە كە بڕیارەكان لەسەر بنەمای دروست نادرێن و پەیوەندی نێوان خێزان بەهێز نابێت، ساڵانە رێژەی جیابوونەوە ڕوو لە زیادبوون دەكات، خاڵێكی دیكە شایەنی ئاماژەپێدانە ئەوەیە كە زۆرینەی ئەوانەی هاوسەرگیری دەكەن لە كوردستان لە تەمەنێكی بچووكن، ئەمەش دەگەڕێتەوە بۆ بیركردنەوەی خێزان و دەوروبەری، تاوەكو دوور بێت لە كاری نەشیاو و رێگەپێنەدراو (حەرام لە رووی دین)، هەر لە تەمەنێكی زووەوە هاوسەرگیری دەكەن كە ڕۆژانە چەندان كەیسی لەم جۆرە دەبینین و دەبیستین، بێگومان ئەمەش هەلبژاردەیەكی گونجاو نابێت چونكە كاتێك لە تەمەنێكی بچوك یا هەرزەكاری دەچنە نێو ژیانی هاوسەریەوە، ئەوا ئەم كەسە ناتوانێت بە شیوەیەكی هۆشاریانە خێزانێك بەڕێوە ببات، چونكە كەسەكە هێشتا بە تەواوی لە ژیان تێناگەشتوە، و نازانێت چی دەوێت راستر بڵێم بە تەواوی خۆی ناناسێت و لە خەیاڵی خۆی ژیانێكی خەیاڵی دروست كردووە، دواتر تێدەگات كە ئەوە ئەو ژیانە نییە كە بیری لێ كردبۆوە، بۆیە دەبینین دوای ماوەیەك لەو ژیانە بێزار دەبێت، هاوسەرگیریەكە سەركەوتو نابێت، یا جیا دەبنەوە یا ئەوەتا لەبەر هەندێك هۆكاری كۆمەڵایەتی لەگەڵ یەك دەمێننەوە، لە كاتێكدا دڵ خۆش نین لە بەیەكەوە بونیان بەختەوەر نین، بەڵام ئەو ژیانە بە ناچاری قبوڵ دەكەن بۆ ئەوەی روبەڕووی جیابونەوە نەبنەوە".

 

زۆرترین بینراو