بوون بە (بەرپرس و بەڕێوەبەر) دوور لە بنەمای زانستی و لێهاتوویی

بوون بە (بەرپرس و بەڕێوەبەر) دوور لە بنەمای زانستی و لێهاتوویی

راپۆرت محەمەد ئامۆكەیی- زاری كرمانجی: زۆرێك لە یەكە ئیداری و بەرێوەبەرایەتییەكانی سۆران چەندین ساڵە لەلایەن كەسانێك بەرێوەدەبرێن و بە گوێرەی زانیارییەكانی زاری كرمانجی هەندێك لەو بەرێوەبەرانە لەسەر بنەمای لێهاتووی و زانستی دانەنراون و هاووڵاتی و چالاكوانان داوادەكەن پۆستەكان بە گوێرەی لێهاتووی زانستی دابەش بكرێن.
لە لێدوانێكی بۆ زاری كرمانجی (حەسەن مستەفا) لەم بارەیەوە ئەوە دەخاتەڕوو: "پێویستە دانانی بەرپرس و بەڕێوەبەرەكان لەسەر بنەمای لێهاتووی زانستی و سیڤی كەسی و ئەزموونی كەسەكان بێت نەك لەسەر بنەمای حزبایەتی، چونكە دواجار كەسی بە ئەزموون و خاوەن فكرە دەتوانێت گۆڕانكاری لە پیشەو كاردا بكات و لایەنی كەم داهێنانێك بكات و سوود بە تاكەكانی كۆمەڵگە بگەیەنێت".
هەروەها ئەوەشی خستەڕوو" لە وڵاتانی پێشكەوتوو پشت بە سیڤی و لێهاتووی زانستی دەبەسترێت و كامە فەرمانبەر توانای گۆرانكاری و داهێنانی هەبێت ئەولەویت و ئەفزەلییەت بۆ وەرگرتنی بەرپۆسیارییەتی بەو كەسە دەدرێت، ڤۆلتێری فەرەنسی لەوبارەیەوە وتەیەكی بەنرخی هەیە و دەڵێت: لە هەر شوێنێك كار بەگوێرەی پسپۆری و لێهاتووی دابەش بكرێت ئەوا هەمووان دەبنە بێكار. واتە ئەگەر سوود لە پسپۆری كەسەكان وەرنەگیرێت ئەوا هیچ پێشكەووتنێك لە دامەزراوەكان نایەتەدی.
دڵگەش محمەد هاووڵاتیەكی سۆرانە گووتی" لە زۆرێك لە فەرمانگەكانی حكومەت بێ سەروبەرەیەكی زۆر هەیە لە هەموو روێك، ئەوەی جێگای هەلوەستە لەسەركردنە ئەویش هەندێ بەرپرس هەیە بڕوانامەی ئامادەی یان خوار ئامادەیی هەیە، بەڕێوەبەرە یان پێشتر كرایتە بەڕێوەبەری گشتی و دەرچووی زانكۆ و پەیمانگاو بگرە ماستەریش هەیە فەرمانبەری ئەوە".
ئەو هاونیشتیماییە ئاماژەی بەوەشدا" دەكرێت لەمەو دوا پۆستەكان لەسەر بنەمای لێهاتووی و زانستی بێت، چیتر خزم خزمێنەو یا كوڕی بەرپرس و كوێخاكان بكرێنە بە بەڕێوەبەر كە لە ئێستادا خەریكە دەبێتە دیاردە ئەگەر كوڕی بەرپرس و كوێخایەك نەبی بەرپرسیارەتیت پێ نادرێت، بۆیە ناكرێت كەسانێك كە هیچ ئەزمونێكی وای نەبێت بكرێتە بەرپرسی شوێنێك و دواتر بەهۆی ناشارەزایی و كەمی ئەزمون ئەو فەرمانگەیەی كاری تیا دەكات لەوەی هەیە خراپ تریكات.

بێستون دینۆ دەرچوی بەشی یاسایەو دەڵێت"حزب خۆی خاوەنی هەموو هەیكەلی حكومییە هەر چەندە ناوی لێ بنێین حكومەت، بەڵام هەر گوێڕایەڵی حزبەو لە كەسانی حزبییەوە سەرچاوەی گرتووە بۆ گەیشتنیش بە هەر پۆستێكی حكومی ئەوا دەبێ پێشینەی حزبی هەبێت".
یاخوود لە ڕێگەی حزبەوە بكرێتەوە بەرپرس لە زۆربەی وڵاتانیش هەمان شتە، بەڵام حكومەتی ئەوان خاوەنی سیستەمی خۆیەتی و یاسا نەشكێنە، زۆر جار ئەوەی كە كەسێك بڕوانامەی نزمەو كەچی بەڕێوەبەری فەرمانگەیە، ئەوە بۆ حزبی بوونی ئەو كەسە دەگەڕێتەوە، هۆكاریش زۆرن بۆ ئەو بابەتە، كردنی كەسێك بە بەڕێوەبەر كە حزبییە بێ گومان لە ئاست ڕاسپاردن گوێ رایەڵترە".
بێستون زیاتر دەشڵێت" هەرچەند بمانەوێ پێدانی پۆستی حكومی لە چنگی حزب دەربێنین ئاسان نییە، چونكە وەك گووتم سەرچاوەی پێكهاتەی حوكمەت حزبە هەموو حزبەكان ئامانجێك كۆیان دەكاتەوە، ئەویش گرتنە دەستی دەستەڵاتە، لە بیرمان نەچێ هەموو دەست تێوەردانێكیش خراپ نییە".
بێستون ئەوەشی گووت" زۆربەی وڵاتان حزبی دەستەڵاتدارن، بەڵام سیستەم و یاسایی حكومەت لە سەروی كاری حزبەوەییە، دانانی یاخود دەستنیشانكردنی كەسێك بە بەڕێوەبەر لەسەر بنەمای زیرەكی و لێهاتوویە نەوەك پێشینەی حزبی و یا لاینگری بوونی بۆ حزب". تاكە چارەسەر ئەوەییە بیر لە ئاستی زیرەكی لێهاتووی و كارامەیی ئەو كەسە بكرێتەوە بیری حزبی وەلا بندرێ ئەوكات ئەبینە خاوەنی حكومەتێكی بێ كەم و كوڕی و شارەزا". هەموو ئەو كەم و كورتیانەی كە لە ئارادا هەیە بۆ ئەوەی دەگەڕێنمەوە پێدانی پۆست بە كەسێك كە شارەزایی و شایانی ئەو پۆستەنیە.

زۆرترین بینراو