بۆفۆن: تەنها لە رۆناڵدۆی ئەفسانە ترساوم

بۆفۆن: تەنها لە رۆناڵدۆی ئەفسانە ترساوم

زاری كرمانجی- ئاژانسییە هەواڵییە وەرزشییەكان: جان لویجی بوفۆنی ئیتاڵی و گۆڵپارێزی یانەی یۆڤانتسی هەمان وڵات، ئاشكرایكرد لە ژیانی وەرزشی خۆیدا تەنها لە رۆناڵدۆی بەڕازیلی ترساوەو سڵی لە هێرشەكانی ئەو یاریزانە لەنێو یاریگەدا كردۆتەوە.
لەلێدوانێكیدا جاڵجاڵۆكەكەی ئیتاڵیا گووتوویەتی" ئەو هێرشبەرەی بووبێتە هۆی كێشەو گرفت لە نێو یاریگەدا بۆ من تەنها رۆناڵدۆی دیاردە بووە".
ئەو گۆڵپارێزە تەمەن 43 ساڵە لە ستایشی زیاتریدا بۆ رۆناڵدۆ دەڵێت" ئەو یاریزانێكی نمونەییە، خاوەنی هێزو خێراییەو شارەزاییەكی تەواوی لە تۆماركردنی گۆڵدا هەیە".
بوفۆن بەجۆرێك باس لە تواناكانی رۆناڵدۆ دەكات وای بۆدەچێت كە ناوبراو لە تاقیگەیەكدا دروستكرابێت هێندە تایبەتە.
رۆناڵدۆی بەڕازیلی نازناوی دیاردەی وەرگرتووەو لە یانەكانی ئایندهۆڤن، بەرشەلۆنە، ریاڵ مەدریدو ئینتەرمیلاندا یاری كردوەو ئاستێكی بەزریشی پێشكەش كردووە، لە ساڵەكانی 1994 و 2002 لەگەڵ هەڵبژاردەی بەڕازیل دووجار نازناوی جامی جیهانی بەدەستهێناوە.
رۆناڵدۆ نازالۆ دالیما 98 یاری بەدرێسی سامباوە ئەنجامداوەو 62 گۆڵیشی تۆماركردوە، دووەم گۆڵكاری مێژویی بەڕازیلە لە دوای پێلێی ئەفسانەوە كە ئەوەی دووەم خاوەنی سێ نازناوی جامی جیهانییە بۆ وڵاتەكەی.

بیروڕا

زۆرترین بینراو