بۆچی ناوبژیوان؟!

بۆچی ناوبژیوان؟!

دیار شەهاب ناوبژیوانی پلە دووی كوردستان و عێراق
هەروەكو دەزانین ناوبژیوانان بەشێكی گرنگ وكارەكتەرێكی سەرەكی ناویاریگەكانن زۆربەی یارییە وەرزشییەكان پێویستیان بەناوبژیوان هەیە, ئەوەی زیاتر مەبەستەمە یاری تۆپی پێ یە, زۆرجار ناوبژیوانان بەوە تاوانبار دەكرێن كەوا دۆڕانی تپێك دەخەنە ئەستۆی ناوبژیوان یان لایەنگیری تیپێك دەكات بەرامبەر تیپێكی تر، زەرورە یاری لێ ئاگاداربكاتەوە بۆهەر حاڵەتێكی نەخوازراو, هەموومان دەزانین هەندێك بڕیاری خێراو هەڵەی لەناكاو ناوبژیوانان كە دەیكەن، دەبێتە تێكدانی شیرازەی یارییەكە بەتایبەت ئەگەر لەهەڵەیەك زیاتر بوو ئەوكات دەچێتە قاڵبی گومانكردن، بەڵام ئەوەی گرنگە نابێ ناوبژیوانان لایەنگیری هیچ تیپێك بكات لەسەر بنچینەی شارو هاوڕێیەتی و ترس, بۆیە لەسەر هەموو تیپێك پێوستە رێز لەكەسایەتی ناوبژیوانان بگرێ و بەهیچ شێویەك هێرش نەكەنە سەری, چونكە ناوبژیوان كاری بەڕێوەبردنی یارییە بەشێوەیەكی دادپەروەرانەو بێ گرفت، لە یاسای بەڕێوەبردنی یاری تۆپی پێ دەڵێ" دەبێت ناوبژیوان بەكەمترین هەڵە دەربچێت لەناو یاریگا", كەواتە ناڵێت نابێ ناوبژیوان هەر هەڵە نەكات, ئەوەی گرنگیشە هەموو یارییەك سەرپەرشتیارێك هەیەو دوایی یارییەكە راپۆرت دەنوسێ لەسەر چۆنیەتی یارییەكە, بۆیە ناكرێ هەموو تیپێكی دۆڕاو پەنا بباتە بەر كێشە دروستكردن و ئاژاوە نانەوە، چونكە لەكۆتایی هەر ئەو تیپەی كە دۆڕاوە تووشی سزایەكی توندتر دەبێتەوە، بۆیە دۆڕانێك باشترە لەوەرگرتنی سزا بەسەر تەواوی تیپەكە، چونكە دۆڕاندن لەبیردەكرێت و قەرەبوو دەكرێتەوە، بەڵام سزا دەبێتە لەكەیەكی رەش و ناشیرین بۆ هەر تیپێك, كە شەڕو ئاژاوە دەنێتەوە، بۆیە لە كۆتایی پێویستە هەموو لایەكمان وەرزشی كوردستان بەچاكترین شێوە بەڕێوە ببەین و پەیامی جوانی وەرزش خۆشەویستی و لێبووردەیی لەهەموو یارییەك پەیڕەو بكەین.

زۆرترین بینراو