بۆ حاجیان ڤیزە لە هەولێر لێدەدرێت

بۆ حاجیان ڤیزە لە هەولێر لێدەدرێت

لەراگەیاندراوێكدا كەوێنەیەك بۆ ماڵپەڕی زاری كرمانجی نێردراوە بەرێوەبەرایەتی گشتی حەج و عومرەی هەرێمی كوردستان رایدەگەێنێت ، دوای ئەوەی بۆ ماوەی چەندین ساڵ ڤیزای سعوودی بۆ حاجییان لە وڵاتی سێیەم لێدەدراو دەبوو پاسپۆرتەكانی حاجیان بۆ ئەو وڵاتانە بگوازرێنەوە، حكومەتی عەرەبستانی سعودی بۆ ئەمساڵ بڕیاری دا كە لە عێراق ڤیزاكان دابینبكرێت.
هەر لە راگەیاندراوەكەدا هاتووە بە مەبەستی دەستەبەركردنی ڤیزای حاجیانی هەرێمی كوردستان، لیژنەیەكی فەرمانبەرانی شارەزا لە دەستەی باڵای حەجی عیراقیەوە لە هەولێرن، بە هەماهەنگی نێوان لێژنەكە و هاوكاری نێوان تیمەكانمان لەبەرێوەبەرایەتیەكەمان بۆ ئەوەی لە ماوەیەكی گونجاودا كاری ڤیزاكان تەواوبكرێت و كاروباری حاجیانی كوردستان ڕایی بكرێت.
جێی ئاماژەیە زیاتر لە مانگێك پێشتر زانیاریەكانی پارێزگاكانی هەرێمی كوردستان پێكەوە پەیوەست كراون و ئینجا بە سێرڤەری دەستە باڵای حەج و عومرەی عێراقی بەستراوەتەوە.
لە راگەیاندراوەكەی بەرێوەبەرایەتی حەج و عومرەی هەرێمی كوردستان هاتووە، ڤیزاكان ئەمساڵ بەشێوەی پرینتكراوی A4 دەبن و ستیكەر نابێت و تەواوی كێشەكان چارەسەر دەكرێن و هەوڵدەدرێت لینكێك دەستەبەر بكرێت كە هەر حاجیەك بتوانێ لە ماڵی خۆیەوە لە رێگەی ئینتەرنێتەوە لە ڤیزای خۆی دڵنیا ببێتەوە.
ئاماژە بۆ ئەوەشكراوە كە بە شێوەیەكی گشتی كات و ماندووبوون و تێچووی ڤیزاكردن كەمتردەكەنەوەو دەبنە مایەی پێشكەشكردنی خزمەتێكی زیاتر بە حاجیان".

زۆرترین بینراو