بێژەری وەرزشی لە نێوان حەزو پیشەییدا

بێژەری وەرزشی لە نێوان حەزو پیشەییدا

م. رەزوان عەبدولقادر

بێژەری سەركەوتوو چەندین تایبەتمەندی و مەرج هەیە گرنگ لەو كەسەدا هەبێت كە كاری بێژەری دەكات و ئەو مەرجانەش بەپێ جۆرو بواری بێژەركە دەگۆرێت بۆ نموونە ئەوەی لەبواری وەرزشی كار دەكا جیاوازی هەیە لەگەڵ بێژەری سیاسی یان ئابوری و هونەری بەڵام هەندێ تایبەتمەندی گشتی و هاوبەش هەن پێویستە لە هەمووان دا هەبێت, هەر چەندە پسپۆری و كاریان جیاواز بێت, لەوانە ڕوانبێژی لە كاتی قسەكردندا و رێك و راستی دەربڕینی پیت و وشەكان و بەرزی و نزمی تۆنی دەنگ و بێ پچڕ پچڕی و شلەژان و هەروەها پەلە نەكردن و هێمن و لەسەرخۆو لەكاتی پەخشی راستەوخۆ ئەگەر هەڵەش بكات زیرەكانە چاك دەكاتەوەو بێ ئەوەی هەستی پێبكەن, ئەم مەرجانەی زیاتر لە بێژەری كەناڵە ئاسمانیەكانی جیهان بەدی دەكرێت و بەشێوەیەكی ئەكادیمی و زانستی, لەبەر ئەوەی ئەوان دەرچووی بەشێكی تایبەتی راگەیاندن و دەیان خولی شیاندنی و بەهێزی كرداری و زارەكەیان بینیووە, بۆیە كاتی بەڕێوەچوونی خولە گەورەكان و یارییە گرنگ و كلاسیكۆكان ئەو كەناڵانەی یارییەكان پەخش دەكەن, بێژەری رژدو پڕ زانیاری و تۆنی دەنگ بەرز بۆ تەرخان دەكات بۆ ئەوەی خۆشی و چێژ بەیارییەكان بدات و زۆرترین بینەری هەبێت و هیچ كات بەسەیركردنی بێزار نەبن, بەداخەوە بەشێك لە بێژەرە وەرزشیەكانی كوردستان لە كاتی بەڕێوەچوونی یارییە وەرزشییە جیهانیەكان كاتی وردكاری و تاوتوی یارییەكان دەكەن و باسی دەكەن, زۆرێك لەوانە زانیاریەكی تەواویان نیە لەسەر یاریزان و تیپەكەو مێژوو و دەسكەوت و بەشداریەكانی تەنانەت هەندێكیان راست و چەپ قسە نەشیاو وناشیرین و بازاڕی دەكەن سەرەڕای هات و هاواری و دەنگ بەرزی و ترساندنی منداڵان, كەوا بینەر ناچار دەكات كەناڵەكە بگۆرێت و بیخاتە سەر كەناڵێكی عەرەبی, بۆیە پێویستە لەسەر كەناڵەكان ئەو راستیە بزانن قسەی بازاڕی و ناو و ناتۆرەنان لە یاریزان و چواندنیان بە ئاژەڵ و ناوی سەیر و گاڵتەكردن هەستە دانیشە و بڕۆ, ئەمانە هۆكارێكن بۆ دوورخستنەوەی بینەرو لە دەستدانی میسداقیەتی كاری راگەیاندن, هەرچەند بەشێك لە جەماوەریش سەیر بكات .

بیروڕا

زۆرترین بینراو