بەرشە لاوتارۆی پێ لە هالاند گرنگترە 

بەرشە لاوتارۆی پێ لە هالاند گرنگترە 

زاری كرمانجی- ئاژانسییە هەواڵییە وەرزشییەكان: یانەی بەرشەلۆنە ئامانجی یەكەمی وەرزی داهاتووی ئاشكرا كردووەو دەیەوێ لاوتارۆ مارتینێز بباتە یانەكەی.
پێشتر یانەی بەرشەلۆنە چەند جارێك هەوڵی بۆ گواستنەوەی لاوتارۆ داوە، بەڵام سەركەوتوو نەبووە لە كارەكەی ئێستا دەیەوێ بە گفتوگۆی راستەوخۆی خوان لاپۆرتای سەرۆكی یانەكە گرێبەست لەگەڵ هێرشبەرە ئەرجەنتینییەكە واژۆبكات.
بەرشەلۆنە ئێستا كێشەی هێرشبەری هەیەو رۆژنامەكانی ئیسپانیا بڵاویانكردۆتەوە، یانە كەتەلۆنییەكە ئامادەیە دەستبەرداری برایتوەیت و ئانتوان گریزمان ببێت و بەوپارەیە مارتینێز بهێنێتە یانەكەی.
بەرشەلۆنە بۆ گرێبەستكردن لەگەڵ لاوتارۆ پێویستی بە 90 ملیۆن یۆرۆ دەبێت، گفتوگۆكانیش سەبارەت بەو بابەتە دەستیپێكردووەو لە ئەگەری رێككەوتنی هەردوو یانە لەكۆتایی ئەم وەرزەدا گرێبەستی لاوتارۆ لەگەڵ بەرشەلۆنە رادەگەیەنرێت، ئەمەش لە كاتێكدا دێت كە دەگوترا ئێرلینگ هالاند ئامانجی یەكەمی یانە كەتەلۆنییەكەیە، بەڵام ئەوە پێچەوانە بۆتەوەو لاوتارۆ پێش هەموو یاریزانێك درێسی بەرشە دەپۆشێت.
هێرشبەرە ئەرجەنتینییەكە سێ ساڵە لە ئینتەرمیلانە و تەمەنی 23 ساڵە، 89 یاری بۆ نێرازۆری كردووە و 34 گۆڵیشی تۆماركردووە.

بابەتى پەیوەندیدار وەرزشى

زۆرترین بینراو