بەرگری شارستانیی سۆران هۆشداری دەداتە هاووڵاتیان

بەرگری شارستانیی سۆران هۆشداری دەداتە هاووڵاتیان

 زاری كرمانجی-سۆران: موقەدەم بەیار باڵەكی گوتەبێژی بەڕێوەبەرایەتیی بەرگری شارستانی سۆران، بە زاری كرمانجی راگەیاند " سنووری بەڕێوەبەرایەتیەكەمان هەرچوار قەزاكانی (سۆران، مێرگەسۆر، چۆمان، رواندز) لە خۆدەگرێت، كە لەسەرجەم قەزاو ناحیەكانی سنوورەكەمان بنكەی بەرگری شارستانیی كراونەتەوە، بۆ ئەوەی لە هەر رووداوێكی لەناكاو بتوانن بە ززوترین كات فریای هاووڵاتیان بكەون و كۆنتڕۆڵی بكەن، بەداخەوە لە ئێستاشدا بەتایبەت دوای هاتنی سەرما رووداوەكانی ئاگر كەوتنەوە روویان لە زیادبوون كردووە، كە چەندین دوكان و ماڵی هاووڵاتیان سووتاون، تەنانەت رووداوی ئاگر كەوتنەوە لە دام و دەزگاكان و بارەگا حیزبیەكانی دەڤەرەكەش بوونی هەبووە، زۆربەی ئەم رووداوانەش بەهۆی شۆرتی كارەبا بووەو زیانی زۆری ماددی بەر هاووڵاتیان كەوتووە". گووتیشی " بەكار هێنانی سۆپاو ئامێرەكانی خۆگەرم كردنەوە و خراپی كوالێت و بێباكی بەشێك لە هاووڵاتیان، هۆكاری سەرەكی بووە كە ببێتە هۆی ئاگر كەوتنەوە لە ماڵ و دوكان و شوێنەكانیان، بۆیە ئەركە هاووڵاتیان پابەندبن بەڕێنمایەكانی بەرگری شارستانیی بن و ماوە ماوە پشكنین بۆ ئامێرو تۆڕی كارەبایی ماڵ و دووكان و شوێنەكانیان بكەن، هەروەها لەكاتی خەوتن و چونە دەر لەماڵەكانیان سۆپایی كارەبایی و ئامێرەكانی خۆگەرم كردنەوە بكۆژێنەوە، لەگەڵ ئەوەشدا ئەم شوێنانەی كە ئەم ئامێرە خۆگەرم كەرەوانە لێی دادەنێن، دڵنیابن لەوەی كە مەترسی نییە لەسەر ئاگر كەوتنەوەیان.

زۆرترین بینراو