بەرگری شارستانی سۆران داوایەك لە هاووڵاتیان دەكات

بەرگری شارستانی سۆران داوایەك لە هاووڵاتیان دەكات

زاری كرمانجی-سۆران: بەرگری شارستانی سۆران داواكارە لە هاووڵاتیان لەكاتی چوونیان بۆ دەوروبەری سۆران و كاتێك ئاگر هەڵدەكەن لە لەدوای خۆیان ئاگرەكانیان كۆنتڕۆڵ بكەن.
عەمید عیماد كەنعان، بەڕێوەبەری بەرگری شارستانی سۆران، بەزاری كرمانجی راگەیاند "تەنها لەدوو رۆژی رابردوودا لەسنوورەكەمان دوو رووداوی ئاگر كەوتنەوە تۆمار كراون، تیمەكانمان لە ئاگركوژێنەوەی بەرگری شارستانی سۆران، بەزووترین كات گەیشتوونەتە شوێنەكەو توانیویانە كۆنتڕۆل بكەن و هەروەها بەتایبەتی لەم وەرزەدا سەرجەم بنكەكانی سەربە بەڕێوەبەرایەتی بەرگری شارستانی سۆران، بە شەو و بەڕۆژ لە ئامادەباشیدان".
بەڕێوەبەری بەرگری شارستانی سۆران، داواكاریش بوو لە هاووڵاتیان لەكاتی هەڵكردنی ئاگر بۆ پێداویستیەكانیان لە دوای خۆیان ئاگرەكە بكوژێنەوە كەمتەرخەمی نەنوێنن، هەروەها خۆیان بەدوربگرن لە ئاگر كردنەوە لەو شوێنانەی پوش و پەلاش زۆرە، بەتایبەتی ئەمسال پوشێكی زۆر هەیە بەكەوتنەوەی ئاگر روبەرێكی زۆر دەسووتێت".

زۆرترین بینراو