بەهۆی بەفر بارینەوە رێگەی هاتووچۆی زیاتر لە 250 گوند و قەزاكانی دەڤەری سۆران داخراوە

بەهۆی بەفر بارینەوە رێگەی هاتووچۆی زیاتر لە 250 گوند و قەزاكانی دەڤەری سۆران داخراوە

بەهۆی ئەو شەپۆلە بەفر بارینەی دەڤەری سۆرانی گرتۆتەوە، رێگای قەزاكانی سۆران، مێرگەسۆر، چۆمان و رواندز و زیاتر لە 250 گوندی ئەو قەزایانە گیراوە و تا ئێستاش بەفر بارین بەردەوامە.
لە قەزای مێرگەسۆر زیاتر لە 55 سم بەفر باریوە، زۆربەی رێگاوبانەكان گیراون، تیمەكانی بەفر ڕاماڵین خەریكی خاوێنكردنەوەی رێگاوبانەكانن، بەڵام بەهۆی بەفر بارینی بەردەوام تا ئێستا رێگاوبانەكان خاوێن نەكراونەتەوە، رێگاوبانەكان گیراون و هاووڵاتیان ناتوانن وەكو پێویست هاتووچۆ بكەن.
لە سنووری سیدەكان بەتایبەتی سەری بەرد زیاتر لە 30 سم بەفر باریوە، لە زینی وەرتێ نزیكەی 60 سم بەفر باریوە، لە حاجی ئۆمەرانیش زیاتر لە نیو مەتر بەفر باریوە و رێگاوبانەكان بەتەواوەتی داخراون، بەتایبەتی جموجۆڵی گەشتیاری و بازرگانی لە دەرەوازەی حاجی ئۆمەران پەكی كەوتووە.
بە گوتەی پەیامنێرانی زاری كرمانجی تا ئێستاش لەو ناوچانە بەفر بارین بەردەوامە، بە گوێرەی پێشبینییەكانی كەشناسی تا بەیانی بەفر دەبارێت".

زۆرترین بینراو