بەڕێوەبەرایەتی تەندروستی سۆران بەرنامە و پلانەكانی رۆژانی جەژنی راگەیاند

بەڕێوەبەرایەتی تەندروستی سۆران بەرنامە و پلانەكانی رۆژانی جەژنی راگەیاند


محەممەد مەحموود- زاری كرمانجی:
بەمەبەستی ئامادەكاری بۆ پشووی رۆژانی جەژن بەڕێوەبەرایەتی تەندروستی سۆران پلانی رۆژانی جەژنی رەمەزانی لەرێگای زاری كرمانجییەوە راگەیاند. میناتەها بەڕێوەبەری بەشی راگەیاندنی بەڕێوەبەرایەتی تەندروستی سۆران بەزاری كرمانجی گووت " بەڕێوەبەرایەتی تەندروستی سۆران بەرنامە و پلانەكانی بۆ رۆژانی جەژنی رەمەزانی پیرۆز بەم شێوەیە دەبێت، دابینكردنی ئۆتۆمبێلی فریاكەوتن و كارمەندانی تەندروستی، هەروەها تەواوی پێداویستی و دەرمان وچارەسەری بۆ فریاگوزاری سەرەتایی لە كاتی هەبوونی هەر رووداوێكی نەخوازراو لە هاوینە هەوارەكانی سنوورەكەمان، كە هاوینە هاوارەكانی سنوری قەزای رواندز و سۆران لەخۆ دەگرێت".
مینا تەها گووتیشی" دانانی پزیشك و كارمەندانی ئیشكگر لە نەخۆشخانەكانی سەر بە بەڕێوەبەرایەتییەكەمان كە بریتین لە نەخۆشخانەی رواندز، نەخۆشخانەی خەلیفان، بنكەی تەندروستی سیدەكان كە بە شیوەی 24 كاتژمێری لە خزمەت هاووڵاتییان دادەبن".
لەكۆتایشدا مینا تەها گووتی" تەواوی ئامارو رووداوەكان لە سنووری بەڕێوەبەرایەتییەكەمان لەلایەن بەشی راگەیاندنی تەندروستی
دەگوازرێتەوە بۆ بەڕێوەبەرایەتی گشتی تەندروستی هەولێر".

زۆرترین بینراو