بەڕێوەبەرایەتی هاتووچۆی سۆران پلانی بۆ رۆژانی جەژنی رەمەزان راگەیاند

بەڕێوەبەرایەتی هاتووچۆی سۆران پلانی بۆ رۆژانی جەژنی رەمەزان راگەیاند


زاری كرمانجی-سۆران: رۆژی پێنج شەممە 30-5-2019 لەپرێسكۆنفڕانسێكی رۆژنامەوانیدا، بەڕێوەبەرایەتی هاتووچۆی سۆران، پلانی هاتووچۆی بۆ رۆژانی پشووی جەژنی رەمەزان راگەیاند.
لەپرێسكۆنفڕانسێكی رۆژنامەوانیدا، رائید دلاوەر لەتیف، بەرپرسی راگەیاندنی بەڕێوەبەرایەتی هاتووچۆی سۆران، رایگەیاند "وێڕای پیرۆزبایی جەژنی رەمەزان، بەپێی ئەو پەلانەی دامان ناوە لە رۆژانی پشووی جەژنی رەمەزان، بە هەماهەنگی دەزگا ئەمنی و لایەنە پەیوەندیدارەكانی سنوری بەڕێوەبەرایەتی هاتووچۆی سۆران، كە هەر چوار قەزاكانی (سۆران، رواندز، مێرگەسۆر، چۆمان) لەخۆدەگرێت، ئەفسەرو كارمەندانی پۆلیسی هاتووچۆی سۆران، لەسەر شەقام و شوێنە گەشتیارییەكان دەبن، بەتایبەتیش هاوینە هەوارەكانی (بێخاڵ، جوندیان، پانكی رواندز، كۆڕەكی گەشتیاری، گەلی عەلی بەگ،) بۆ ئەوەی قەرەباڵغی و جەنجاڵی لە رێگاو شەقامەكان دروست نەبێت، چونكە پێشبینی دەكرێت گەشتیارێكی زۆر روو لەم ناوچانە بكەن".
گووتیشی "لەپێناو پاراستنی سەرو ماڵی هەموو لایەك داواكارین لە شۆفێران و هاووڵاتیان، پابەندی یاساو رێنمایەكی هاتووچۆبن، هەروەها لەكاتی روودانی هەر رووداوێك پەیوەندی بەم ژمارە مۆبایلەوە بكەن (07502170500) بەمەبەستی رێكخستنی شەقامەكان و نەهێشتنی جەنجاڵی.

زۆرترین بینراو