بەڕێوەبەری ئەوقاف گەندەڵی پارلەمانتارێكی كۆمەڵ ئاشكرا دەكات

بەڕێوەبەری ئەوقاف گەندەڵی پارلەمانتارێكی كۆمەڵ ئاشكرا دەكات

زاری كرمانجی: دوای ئەوەی عوسمان كانی كوردەیی، پەرلەمانتاری كۆمەڵ لە پەرلەمانی كوردستان، رایگەیاند" لەلایەن هێزە ئەمنییەكانەوە هێرشی كراوەتەوە سەرو پاسەوانێكی و چەند مامۆستاییەكی ئایینی دەستگیركراون كە رۆژی چوارشەممە، ویستوویانە لە مزگەوتی سەوافی هەولێر گردبونەوەیەك ئەنجام بدەن، بۆ داواكردنی كردنەوەی مزگەوتەكان بۆ نوێژو وتاری هەینی، ئەوقافی هەولێر لە روونكردنەوەیەكیدا دەڵێت "ئەو نمایشەی ئەمڕۆی عوسمان كانی كوردەیی تەنیا بۆ مەبەستی سیاسی و خۆدەرخستنە."
بەڕێوەبەرایەتی ئەوقافی هەولێر، لە رونكردنەوەیەكدا رایگەیاند"دەربارەی ئەو نمایشەی ئەمڕۆی عوسمان كانی كوردەیی كە كادیرێكی كۆمەڵی ئیسلامی و ئەندامی پەرلەمانی كوردستانە تەنها بۆ مەبەستی سیاسی و خۆدەرخستنە و یاریكردنە بەهەستی خەڵك، ئەگەر راست دەكات بۆ خۆهەڵكێشان و خۆدەرخستنی نییە،‌ هەر كات داوا بكات راستەوخۆ دەتوانێ وەزیرەكان و بەرپرسەكان ببینێ، بەهۆی ئەوەی ئەندامی پەرلەمانی كوردستانە، تاوەكو‌ لەوێ را و سەرنج و پێشنیارەكان بخاتەڕو و پێشكەشی بكات."
لە روونكردنەوەكەدا زیاتر هاتووە" پرسیار ئەوەیە: ئەی بۆ مەلا عوسمان ساڵی رابردوو سەردانی وەزارەتی كرد و خۆی و خێزانی كە ‌ناویان لە تیروپشكی حاجیان دەرنەچووبوو بۆ حەجكردن، داوای كرد حەج بكەن، دوای ئەوەی هیچ بڕە پارەیەكی نەدا بۆ فەریزەی حەج، كە كولفەكەی بریتی بو لە 10 هەزار دۆلار لەسەر حیسابی حاجیانی كوردستان سەفەری حەجی كرد. ئەی ئەمە گەندەڵی نییە؟".
ئەوەشی خستۆتەڕو" ناوبراو چەند كادرێكی كۆمەڵی كۆكردوەتەوە بەناوی ئەوەی كە وتاری هەینی رێگاپێدراو بێت، باشە ئەندامێكی پەرلەمان ئەوەندە نابەرپرس بێت رەچاوی بارودۆخی هاووڵاتییان نەكات كە رۆژانە تەنها لە شاری هەولێرو شارەكانی كوردستان چەندین كەس دەبنە قوربانی ئەو پەتا‌ كوشندەیە، ئایا مەلا عوسمان ئەندامی پەرلەمان تەحەمولی بەرپرسیاریەتی رۆحیی خەڵك دەكات؟ ئەگەر ئامادەیە ئەوە بكات، با ئیمزابكات و من وەك بەڕێوەبەری ئەوقافی هەولێر بە ژوری ئۆپەراسیۆنی هەولێر دەڵێم رێگە بە وتاری هەیینی بدرێت."
زیاتر روونكراوەتەوە "مەلا عوسمان بۆی نییە لە جیاتی مامۆستایانی ئایینی و‌ نوێژخوێنان قسەبكات. بۆی هەیە تەنها بەناوی خۆی و حزبایەتی تەسكی خۆی قسە بكات، كە ئایین و سیاسەتی تێكەڵ كردوە، چاوەڕوان دەكرا ئەوانە بێن لە بارودۆخێكی وا سەختدا لە هەمو روویەكەوە دووچاری خەڵكی كوردستان بوەەتەوە، بێن مشوورێك بخۆن و خەمخۆرانە دەركەون بۆ تێپەڕاندنی ئەم بارودۆخە نەخوازراوە، كەچی پێچەوانە دێن زیاتر هاووڵاتییان لەڕووی دەروونییەوە ئەزیەت دەدەن و مەبەستیانە زیاتر سەر لە هاووڵاتییان بشێوێنن و ئیستغلالی بكەن بۆ مەرامی خۆیان."

زۆرترین بینراو