بەیان سەلمان كـرۆنێك بەچاپ دەگێنێت

بەیان سەلمان كـرۆنێك بەچاپ دەگێنێت

دیمانە محەمەد ئامۆكەیی- زاری كرمانجی: خانمە نوسەر و وەرگێر بەیان سەلمان، یەكێكە لەو ئافرەتانەی شوێََن پەنجەی دیارە لە دونیای ئەدەب، ئەو بۆ چەند ساڵێك ئەچێت كاری وەرگێری و نوسینی كتێب ئەكات و خاوەن چەند كتێبێكە، بەم دوایەنەش كتێبی كرۆنێك ی بەچاپ گەیاند، لەسەر ناوەرۆكی ئەم كتێبە و وشەی كرۆنێك، بەیان سەلمان بەزاری كرمانجی راگەیاند" وشەی كڕۆنێك، بابەتێكی تایبەتە بەنووسینی ئەدەب و هونەر و فیكر، لێرەوە ڕامان هاتە سەر ئەم ناونیشانە، هەروەها سەرجەمی ئەو بابەتانەی لەم كتێبەدا جێیان كراوەتەوە، بابەتێكی ئەدەبی و هونەری و فیكرین، پێشتر لە گۆڤار و ڕۆژنامەكاندا بڵاو كراونەتەوە، بۆیە لێرەدا بە پێویستمان زانی ئەو بابەتانەیان لێ هەڵبژێرین، هاوكات لایەنێكی ئەدەبی و هونەرییان لەخۆ گرتووە."

ئەوەشی گووت" ئەم هەنگاوە بۆ كۆكردنەوەی ئەو دەقانەیە كە دەكرێ بۆ كەسانێك پێویستییان هەیە بەچوونەوەسەر ژمارەیەك بابەتمان، ئاسانكارییان بۆ بكات، بەشێكی تری كۆمەڵە بابەتێكمان لە ڕۆژنامە و گۆڤارەكان بڵاو بوونەتەوە، بەڵام لێرە جێمان نەكردونەتەوە، لەبەر نەگونجانی ناوەڕۆكەكانیانە لەگەڵ ئەم كۆمەڵەی لێرە هەڵبژێردراون، دەكرێ لە داهاتوودا ئەوانەش لە كتێبێكی تایبەت بە خوێنەوەی هونەریی و بابەتی ڕێپورتاژ چاپ بكرێن، بە ئۆمێدم سوودبەخش بێت بۆ هەموولایەك.

زۆرترین بینراو