تابلۆیی رێنمایی كردن لە لوتكە هەڵگورد دانرا

تابلۆیی رێنمایی كردن لە لوتكە هەڵگورد دانرا

 بەمەبەستی ئاشنا بوونی رێبواران و گەشتیاران و هاووڵاتییان لەكاتی چوونیان بۆ لوتكە چیایی هەڵگورد و ناوچەكە، لەلایەن دەستەی گەشتوگوزار و بەرێوبەرایەتی گەشتو گوزاری چۆمان، تابلۆی ڕێنمایی كردن لە رێگای هامڵتۆنەوە تا بەرزترین لوتكە چیا دادەنرێن. هونەر كاكە ئەحمەد، بەرپرسی راگەیاندنی بەڕێوبەرایەتی گەشتو گوزاری چۆمان، بە زاری كرمانجی راگەیاند " رۆژانەو لەهەموو وەرزەكاندا خەڵكێكی زۆری گەشتیار و شاخەوان و هاووڵاتییان بەگشتی، سەردانی دەڤەری باڵەكایەتی دەكەن و لە شارۆچكەی چۆمانیشەوە روودەكەنە لوتكە چیایی هەڵگورد، كە بە بەرزترین لوتكە چیایی عێراق و هەرێمی كوردستان هەژمار دەكرێت، بەمەبەستی زیاتر هۆشیاركردنەوەی ئاسانكاری بۆ ئەم كەسانەی روو لە ناوچەكە دەكەن، لەلایەن دەستەی گەشتوگوزار و بەڕێوبەرایەتی گەشتو گوزاری چۆمان، هەستاوین بە دانانی تابلۆی هۆشیار كردنەوەو رێنمایی لە رێگای سەرەكی هامڵتۆن تا بەرزایی لوتكە چیایی هەڵگورد". گووتیشی " مەبەست لەم كارە بریتییە لەوەی تا ئەوكەسانەی روو دەكەنە لوتكە چیایی هەڵگۆرد، ڕێگاكەیان لێ تێك نەچێت و بە شێوەیەكی دروستی ڕێگاكە بگرینەبەر، هەروەك تابلۆكان، هەردوو ڕێگا سەرەكیەكانی (شیوەزایێ و خوارێ و میران) و چەند شوێنێكی دیكە بەئاراستەی لوتكە چیایی هەڵگۆرد، دیاری دەكات و شوێنەكان و ئاستی بەرزی ناوچەكە لەسەر تابلۆ ئاماژەی پێدراوە، هەروەها هاووڵاتیانیش لە پاراستنی ژینگەی دەڤەرەكە ئاگادار دەكرێنەوە.

زۆرترین بینراو