تاقیكردنەوەكان بەڕێنماییەكانی خۆپارێزی ئەنجام دەدرێن

تاقیكردنەوەكان بەڕێنماییەكانی خۆپارێزی ئەنجام دەدرێن

زاری كرمانجی - رواندز : ئەمڕۆ یەكشەممە رێكەوتی ٧-٦-٢٠٢٠ قوتابییانی پۆلی دوازدەیی ئامادەیی ئەوانەی لەسێ وانە زیاتر كەوتوون دەستیان بەئەنجامدانی تاقیكردنەوە كرد.
لەم بارەیەوە چنور مەزهەر محەممەد، بەڕێوەبەری پەروەردەی رواندز بەزاری كرمانجی راگەیاند: ئەمڕۆ یەكشەممە، ڕێكەوتی، ۷ - ٦ - ۲۰۲۰،لە سنوری بەڕێوەبەرایەتی پەروەردەی رواندز، قوتابییانی پۆلی دوازدەی ئامادەیی ئەو قوتابییانەی لەسێ وانە زیاتر كەوتوونە، تاقیكردنەوەی داخیل بوونیان ئەنجامدا بۆ ئەوەی لەرێگەی ئەم تاقیكردنەوەیە ئەگەر دەرچوون ،مافی بەشداریكردنیان هەبێت لە تاقیكردنەوەی كۆتایی ساڵ.
بەڕێوەبەری پەروەردەی رواندز گووتیشی :" ئەمڕۆ هۆڵەكانی تاقیكردنەوەی، وەرزی دووەمی، پۆلی دوازدەیی ئامادەیمان لە هەریەك لە ئامادەیی(رواندز)ی زانستیی كوڕان و ئامادەیی(شەمام)ی زانستیی كچان، لە سنووری پەروەردەی رواندزمان بەسەر كردەوە، تاقیكرنەوەكان بەپێی ڕێنماییەكانی وەزارەتی تەندروستیی، لە كەش و هەواییەكی ئارام بەڕێوەچوون، هۆڵەكانی تاقیكردنەوە هۆییەكانی فێنككەرەوەیان بۆ دابین كرابوو، هەروەها پرسیارەكان، بەپێی ڕێنماییەكانی وەزارەتی پەروەردە دانرابوون و بە كۆمپیوتەر نووسرا بوون.

زۆرترین بینراو