تاپۆكردنی خانووە زێدەڕۆییەكان نیگەرانی لێدەكەوێتەوە

تاپۆكردنی خانووە زێدەڕۆییەكان نیگەرانی لێدەكەوێتەوە


بەڕێوەبەری تۆماری خانووبەرەی سۆران، زانیاری لەسەر پڕۆژە یاسای پەرلەمانی كوردستان تایبەت بە (تەملیك) تاپۆ كردنی خانووی سەرپێچی زێدەڕۆیی ئاشكرا دەكات.
بەڕێوەبەری تۆماری خانووبەرەی سۆران، بە زاری كرمانجی راگەیاند " پڕۆژە یاسای پەرلەمانی كوردستان تایبەت بە (تەملیك) تاپۆ كردنی خانووی سەرپێچی، ناوەڕۆكی پێشنیازی یاساكە لە پەرلەمانی كوردستان، 12 ماددەیە و بەپێی پێشنیازەكان سەرجەم ئەو خانووانەی لەسەر موڵكی شارەوانی، لە چوارچێوەی ماستەرپلانی شارەكان لە رۆژی 12ی 2ی2018 دروستكراون تاپۆ بكرێن. بۆ هەر مەتر دووجایەكیش بڕێك پارە دیاریكراوە لە 30 هەزار تا 60 هەزار دینارە، واتە ئەگەر كەمترین نرخ واتە 30 هەزار دینار بۆ ناحیەكان یان قەزاكان بیت ئەوە هەر زۆرە چونكە بۆ نموونە لە سۆران لەدوای 2003 تاكو ساڵی 2015 خانوو تەملیك دەكرا بە نرخێكی ڕەمزی بۆ تا ڕووبەری 200م لە ئێستادا ئەگەر ئەو یاسایە پەسند بكرێت باری خەلك زۆر گران دەبێت تایبەت لە سنوری (سۆران و ڕواندز و چۆمان و مێرگەسوور) و ناحیەكانیان، چونكە زۆر بەی خەڵك موڵكیان كڕیوە واتە دەبتە دوو جار كڕینەوە".
گووتیشی " بە پێی ئەو شارەزاییەم لە خەڵكی ئەو ناوچەیە هەیە كەس ئامادەنابێت خانووی تەملیك بكات بەو نرخە زۆرە، بۆ زانین كاتی خۆی پەرلەمانی كوردستان، بڕیاری ژمارە 5 لە ساڵی 2002 دەكرد، تایبەت بوو بە هەموو كوردستان نرخی مەترێك زەوی تەنها چوار دیناریان دیاری كرد بوو.

زۆرترین بینراو