تا ئێستا وەزارەتی پەروەردە نەك بەنوسراو بەقسەش دەستخۆشی لێنەكردووین

تا ئێستا وەزارەتی پەروەردە نەك بەنوسراو بەقسەش دەستخۆشی لێنەكردووین

لەدیمانەێكی تایبەتی هەفتەنامەی زاری كرمانجیدا مامۆستا ڕەزوان عەبدولقادر سەرپەرشتیاری گروپی ڕەزوان ئارت كە لە ساڵی 2000 دامەزراوە، سەرۆكی گروپ لەگەڵ كومەڵێك شێوەكاروخۆشنووس توانیویانە بۆچەندین قوتابخانەو سەنتەرو دامەزراوەكان كاری جۆراو جۆر بكەن، بەتایبەتی لەبواری پەروەردە جێ پەنجەیان دیارو بەرچاوە بەنەخشاندن و ڕازاندنەوەی دیوارو هۆڵ و پۆلەكانی خوێندن بەدرووستكردنی هۆیەكانی فێركردن و وێنەو درووشمی پەروەردەی زاری كرمانجی دینانەێكی لەگەڵ سەرپەرشتیاری ئەم گروپە سازكردوە.
دیمانە: محەممەد مەحموود
چۆن بوو بیرتان لەوەكردووە جوانكاری بۆ پۆل و دیواری قوتابخانەكان بكەن ؟
ئەو بیرۆكە لە ساڵی 2000 وە لە قوتابخانەكەی خۆم بەتەنیا ئەنجاممدا كاتێك سەیری قوتابخانەو پۆلەكانم دەكرد،دیوارێكی سادەو هیچ جیاوازیەكی نییە لە گەڵ ماڵ و چێژ بەخش نییەو قوتابیان تێیدا ئاسوودەو دلخۆش نین، بۆیە هەڵسام بەكرینی بۆیەو ڕەنگ قوتابخانەكەم بەدەیان تابلۆی پەروەردەی و ڕەنگاوڕەنگ ڕازندەوە هەر چەندە قوتابخانەكەمان لە گوندبووبەڵام وەك قوتابخانەیەكی نموونەیم لێكردو وتەنانەت هەموو هۆیەكانی فێكردنیشم بەدەستی خۆم دروستكرد بۆ گشت وانەكان.
ئەوكات قوتابخانەكان بە دەگمەن هۆیەكانی فێركردنیان هەبوو,دوابەدوای ئەوەو دەستمكرد بەڕازندنەوەی قوتابخانەكان و گروپێكم درووستكرد بەناوی ( ڕەزوان ئارت گروپ ) كەچەندین شێوەكاری بەتوانای لە خۆگرتبوو ,كە تا ئێستاش ئەم گروپە ناوێكی دروەشاوەیە لەشاری هەولێر تاكە گروپیشە ماوەی 19 ساڵە كار دەكات و بەشانازیەوە زۆرترین كاری ڕازندنەوەی كردووە لە كوردستان و عێراق و تا ئیستا هیچ گروپ و سەنتەرێك نەیتوانیووە كاری وا بكات .
پرۆژەكەتان خۆبەخشیە یاخود لایەنێك هاوكاریتان دەكات؟
زۆربەی كارەكان خۆبەخشیەو ئەو قوتابخانەو فەرمانگەی كارەكەی بۆ دەكەین بۆیەو رەنگەكان دەكڕیت و ئێمەش كاری ڕازندنەوەی بۆ دەكەین،ئەوە بۆ قوتابخانە و باخچەی مندالانی حكومی، بەڵام بۆ قوتابخانە تایبەتی و ئەهلیەكان بەنرخێكی زۆر هەرزان بۆیان دەكەین لەم كارانەشدا هیچ لایەنیكی حكومی و حزبی و سەنتەر و ریكخراوێك هاوكاری نەكردووین.
وەكو رێكخراوی شاوێر بۆ هۆشیاری ژینگە ئەو كارە دەكەن ؟
بەڵی گروپی رەزوان ئاڕت بە هاوكاری بەشی شێوەكاری رێكخراوی شاوێربۆ هۆشیاری ژینگەیی ئەو كارانە ئەنجام دەدەین،هەروەك دەزانن ریكخراوی شاوێر گشت ئەندامەكانی مامۆستان و تاكە رێكخراوە لە هەموو عێراق و كوردستان زۆرترین ئەندامی مامۆستای هەبێت لە نێوەندەكانی خوێندن كەوا خەریكی بڵاوكردنەوەی ڕێنمایی پەروەردەیی و ژینگەیی لە ڕێگای كێشانی تابلۆی ڕێنمایی پەروەردەی و ژینگەیی
بەتەنیای لەم كارە یان كەسانی تریش لەگەڵن؟
سەرەتا بەتەنیا ئەم كارانەم ئەنجامدا دەدا بەڵام ئێستا كۆمەڵە شێوەكارێكی دەست ڕەنگینم لەگەڵن كە ئەندامن لە گروپی ڕەزوان ئاڕت و رێكخراوی شاوێرخۆشنووسی بە توانا لەوانە شنۆ یەحیا ,لۆین جمالدین , هێمن ئەحمەد , رەوان عمر , محمدعلی , شەوبۆشیوەن
تەنها قوتابخانەكانی پایتەخت دەڕازێنەوە یان قەزاو ناحیەكانیش ؟
نەخێر تەنیا پایتەخت نییە بەڵكو زۆرترین كارەكانمان لە دەرەوەی شار ئەنجامداوە بەتایبەت لە گوندو قەزاو ناحیەكانیش بە بۆ چوونی ئێمە گرنگترە كە كاری رازندنەوەو نووسینی ڕێنمایی لە قوتابخانەكانی دەرەوەی شاربێت،لەبەر ئەوەی كەمتر دەزگا پەروەردەیی و ریكخراوە نێودەوڵەتیەكان سەردانیان دەكەن.
بەداخەوە دەڵێم گرنگیەكە تەنیا لە ناو سەنتەری شار چركراوەتەوە.تەنانەت تا ئێستاش هیچ وەزیرێكی پەروەردە نەمان بینووە زەنگی ساڵی نوێی خوێندن لە گوندێك یان ناحیەیەك لێ بدات .
دەتانەوێت لە رێگای ئەم كارە چ پەیامەێك بگێنن؟
كاری ڕازندنەوەی قوتابخانەو باخچەی منداڵان گەورەترین پەیامە بۆ قوتابیان و لایەنە پەروەردەیەكان لەبەر ئەوەی كاریگەری راستەخۆی هەیە لەسەر دەروونی قوتابیان بەتایبەت تابلۆكان هەمووی پەیامدارن و سوودی زۆری هەیە بۆ ژیانی رۆژانەی قوتابی و هەڵسوكەتی لە قوتابخانە و هەست دەكا هیچ جیاوازیەكی نییە لە گەڵ قوتابخانە ئەهلی و تایبەت و نموونەیەكان وا دەكات ژینگەیەكی ئارام وسەرنج راكێشی بۆ فەراهم كراوە .وێنەكێشان لەسەردیواری قوتابخانەكان سوودێكی زۆری هەیە لە لایەن دەروونی قوتابی واهەست دەكاژینگەیەكی جوان وخۆشی بۆفەراهم بووەوئارەزوودەكات زۆرترین كات لەقوتابخانەبێت لەلایەن خوێندن وفێربوونەوەدەبێتەهاندرێكی گرنگ بەوەقوتابی خوێندنی لاخۆشەویست بێت بەومەرجەی وێنەكان پەیامداربن واتالەگەڵ هەروێنەیەك ڕێنمایی تێدابنوسرێت بۆیەپێویستەهەمووقوتابخانەیەك بەوجۆرەتابلۆیانە برازندرێتەوە
وەزارەتی پەروەردە تا چەند هاوكارتان بووە؟
نەخێر هیچ هاوكاری نەكردووین بەپێچەوانەوە پرۆژەی سەرتاسەریمان داوەتە وەزارەت كەوا خۆبەخشانە گشت قوتابخانەكانی كوردستان دەڕازێنینەوە تەنیا خەرجی بۆیەو رەنگەكەی لە ئەستۆ بگرن و بیكرن كەچی بەداخەوە وەلامیش نەدراینەوە, تا ئێستاش وەزراەتی پەروەردە نەك بەنوسراو بەقسەش دەستخۆشی یان ریزوسوپاسی ئاراستە نەكردووین ,ئەم كارەی ئێمە دەیكەن لەهەر ولاتێكی تر بوایە نەك وەزیر بەڵكو سەرۆك و سەرۆك وەزیران دەستخۆشی و ڕێزلێنانی بۆدەكرد.
داوا لە وەزارەتی پەروەردەش دەكەم هەروەكو پێشنیاریشم پێداون بەوەی هەموو قوتابخانەیەك لایەنی كەم 5 تا 10 تابلۆی تێدا دروست بكرێت و گروپی ڕەزوان ئارت ئامادەیە لەهەموو قوتابخانەو باخچەی منداڵان ئەنجامی بدات لەگەڵ نووسینی دەیان ڕێنمایی ئەگەر بێت وتەنیاخەرجی رەنگ وسبوغەكان دابین بكات چونكەئامانجی ئێمەخزمەتكردن بەبواری پەروەردەوقوتابیان و ژینگە .
تا ئێستا كاری ڕازاندوەتان بۆ چەند قوتابخانە كردووە؟
كاری رازندنەوەو نووسینی ڕێنمایی بۆ زیاتر لە 150 قوتابخانە،50 باخچەی منداڵان،35 فەرمانگەی حكومی, 30 قوتابخانەی ئەهلی و ناحكومی ,45 داینگەیی منداڵان,15نەخۆشخانەی بەشی مندالان, سەنتەری دڵ شاری هەولێر قاوشی مندالان 50 تابلۆ ئەنجاممداوە
ئەو كارەتان بەردەوامی دەبێت و دەرەوەی هەولێریش دەگرێتەوە ؟
پشت بەخوا تا ماوین بەردەوام دەبین كاری ڕازندنەوە بۆ گشت فەرمانگەو دەزگایەك و پارك و شار و شەقامێك ئەنجام دەدەین ئەگەر بێتو ئاسانكاری و هاوكاری بكرێن لە دابین كردنی پێویستیەكان بەتایبەت بۆ ئەو شوێنانەی كەوا خزمەت بەمندالان دەكەن و تێدا پەروەردە دەكرێن .
جگە لەم كارانە چ كارێكی ترتان ئەنجامداوە بۆ قوتابخانەكان ؟
دروستكردن و دیزایینكردن 70 لۆگۆی قوتابخانەكان كە ئێستا هەموویان وەك لۆگۆی تایبەتی خۆیان بەكاری دەهێنن لە نواسراوەكانیان و بۆتە هێمایەكی تایبەت بۆ قوتابخانە .
پلانی داهاتووتان چیە ؟
پرۆژەیەكی سەرتاسەریمان هەیە بۆ هەموو كوردستان ئەگەر بێت و وەزارەتی پەروەردە هاوكارمان بێت یاخود هەر دەزگایەكی تر بێت بەوەی ئامادەین هەموو قوتابخانەو باخچەی منداڵانی كوردستان برازێنینەوەو بە پلان و بەرنامە رێژیەكی تایبەتی پەروەردەیی و ڕێنمایی لێرەوەش دەڵێم هەر دزەگایەك و دامەزراوەیەك ئامادە هاوكاریمان بكات ئێمە بە خۆشحاڵیەوە ئەو كارانە ئەنجام دەدەین .

زۆرترین بینراو