تا 2025 تیمۆ ڤیرنەری بووە موڵكی چێڵسی

تا 2025 تیمۆ ڤیرنەری بووە موڵكی چێڵسی

زاری كرمانجی- ئاژانسییە هەواڵییە وەرزشییەكان: یانەی چێڵسی ئینگلیزی لە بەیاننامەیەكیدا رایگەیاندووە، لەگەڵ تیمۆ ڤێرنەری 24 ساڵان گەیشتنە رێككەوتن و ئەو هێرشبەرە ئەڵمانییە ئەم هاوینە بۆ ماوەی پێنج ساڵ پەیوەندی بە یانەكەیانەوە دەكات، ئەمەو دوێنێ چوارشەممە ڤیرنەر لەگەڵ لایپزیگ گۆڵی ژمارە 26ی لەم وەرزە لە خولەكە تۆماركرد.
ڤێرنەر لەم وەرزە بە تەواوەتی درەوشایەوە تا ئێستا لە 43 یاری 32 گۆڵی كردووە و 13 گۆڵیشی درووستكردووەو باشترین وەرز لە كاروانی وەرزشی خۆی بەڕێ دەكات.
ڤێرنەر لە لیدوانێكی بۆ ماڵپەڕی چێڵسی دڵخۆشی خۆی بە پەیوەندیكردنی بە ریزەكانی بلووز راگەیاندووەو سوپاسی یانەی لایپزیكیشی كردووە، كە لەگەڵ یانە ئەڵمانییەكە لە 125 یاری 76 گۆڵی كردووە.

 

بیروڕا

زۆرترین بینراو