ترسی كچان لە پێكهێنانی پرۆسی هاسەرگیری

ترسی كچان لە پێكهێنانی پرۆسی هاسەرگیری

ئا/ رۆژ كوردستانی


پێكهێنانی پرۆسی هاوسەرگیری و چونە نێو ژیانێكی تازە، بۆ هەموو كەسێك لەهەر كۆمەڵگەیەك، دەستپێكی قۆناغێكی تری ژیانە كە خودی پرۆسەكە، و هەڵبژاردنی كەسی بەرامبەر، كارێكی زەحمەتە، چونكە لەو نێوەندەدا كەسەكە روبەڕوی چەندنی دۆخی نوێ دەبێت، چ لە روی قەلەقی و كێشە و ماددە، هەموو ئەمانە وا لە مرۆڤ دەكات جۆرێك ترسی هەبێ لە دەستپێكی ئەم قۆناغەی ژیان، لە كولتوری كوردیشدا ئەم پرۆسەیە بە كۆمەڵێك قۆنغدا تێپەر دەبێ،  كچان و كوران جۆریك ترسیان هەیە لە پێكهینانی پرۆسەكە.

كەژاڵ موحەمەد، خاتونێكی دانیشتووی سۆرانە و خیزانادارە، لە بارەی ترسی كچان لە هاوسەرگیری گووتی" جۆرێك ترس لای هەموو كچێك هەیە پێش پرۆسەی هاوسەرگیری، ترس لەوەی بریارێكی هەڵە بدەن، یاخود كەسێكی گونجاو هەڵنەبژێرن بۆ ئەوەی لەگەڵی بژیت، دواتر بیر كردنەوە لە تەبیحەت و كەسیاتی كەسی بەرامبەر و بیر كردنەوە لە باری ئابووری كەسەكە ئەمەنا دەبنە هۆی دڵەراوكێ و ترس لای كچ".
خاتوو كەژال، پێی وایە كچ پیاوی مەرد و بە دینی دەوێ بۆ هاوسەرگیری، ئەو زیاتر گووتی" لە دیدی زۆرێك لە كچانەوە ئەیانەوی پیاویكی پر بە پیستی خۆی پیاو بێ، لەگەڵ ئەوەشا  گرنگی بە جوانی دەدەن لەهەمان كاتدا دەیانەوێ ئەو كەسەی هاوسەرگیری لەگەڵ دەكا كەسێكی بە ئەخلاق و بەدین بێ و كەسایەتیەكی بەرزی هەبێ". 
درەخشان، كچە گەنجیكی دانیشتووی سۆران و سەڵتە، لەبارەی پرۆسەی هاوسەرگیری لە كوردستان بەم شێوەیە بۆمان دووا"  بەرای خۆم ترسی كچەكان لە كچێكەوە بۆ كچێك دەگۆرێ، كچ هەیە لەبەر ئەوەی ئازادە پاش هاوسەرگیری ئەو ئازادیەی نامینێ، و هەیە لەبەر فەقیری ناكا یا كورەكە تێنەگەیشتووە بەڵام بەرای خۆم ئەو بروا نەببونەیە بە یەكتری كە هەمیشە درۆ و خیانەت لە نێوانیان پەیا دەبێت، پێویستە كچ كەسێكی وا هەڵبژێری كە هەم تەمەنیان هەم ئاستی سەقافەتیان لێك نزیك بێ بۆ ئەوەی زیاتر لە یەك تێ بگەن".

زۆرترین بینراو