تیرمەهەكا، بەرۆڤاژ ...!

غیاس خالد زێباری

هەرسال ل دەسپێكا هاڤینێ بتایبەت مەها تیرمەهێ كۆ گەرمترین مەها هاڤینێ یە، و چلێ هاڤینێ ئەو داگیر كریە، گەرماتیا وێ دگەهیتە هەمی تاكێن جڤاكی، هەژار و زەنگین، بچیك و مەزن ، نێر و مێ، پلەدار و بێ پلەیان و ...هتد ڤەدگریت.
لێ گەرماتیا تیرمەهێن دەربازوویی پتر كاریگەری ل چینا هەژار دكر، چونكی پتریا وان ژبەر ڕەوشا گرانا ژیانێ د نەچاربوون كاربكەن بۆ دابینكرنا پێتڤیێن خوو.
سپێدێ هەتا ئێڤاری لبەر تیشكا رۆژێ د ئارەقێ را نقۆم دبووم، لێترەكێ ئاڤا سار ژی تێهناتیا وان نە دشكاند، ئەندامێن ماڵباتێ ژی ژبەركۆ هند د خەما واندا بوون د ژۆر ڤە ، ل وان ماندیتر دبوون ..!
كارەباژی وەكی پێتڤی نەبوو، سێبەرا سڤاندا ژی ئارەقا وان ڤەنەدماڵی، زارۆكێن وان ژی ب بایێ باوەشینكی د خەوڕا نەدچوون، هەتا ئێڤاری چاڤ ل دەرگەهێ حەوشێ بوو كا كەنگی دێ چیڕینا وی هێت و ماڵخۆیێ ماڵێ زڤریت .
سەر وێ ماندیبوونێ را ژبەر نەدادوەری و گەندەڵیا ل وەڵاتی هەی ، كۆ ژ ئەنجامێ ململانێ یا نە ڕەوایا حزبایەتی بوویە و خەلكەكێ هەژار و كێم دەڕامەت ژبەر خەما ژیانێ هەتا سپێدێ چاڤ ب خەوا نە دكەفت .
خەلكەك ژی هەبوو یاری ب هەستێن خەلكی دكر، ب پارێن دزی و گەندەڵیێ، ژبەر گەرما تیرمەها هاڤینا كوردستانێ ، گەشتێن ئەورۆپا و جهێن فێنك و دلڤەكەر دكر ...!
ڕەنگە ڤان كەسێن نەهەژی و گەندەڵكار بەرهەڤی كربن، وەكی هەر ساڵ ژبەر گەرما تیرمەها كوردستانێ گەشتێن ئەورۆپا و ئسكەندەنافیا و ..... هتد بكەن .
لێ پرۆژێ چاكسازیێ یێ حكومەتا هەرێما كوردستانێ ، ب دادكۆكیا مەسروور بارزانی سەرۆكێ حكومەتێ ، پلان و بەرنامێ وان تێكدا و ڤێ هاڤینێ و هاڤینێن داهاتێ ، دێ تاما ژیانا دژوارا خەلكێ هەژار و دژواریا بایێ گەرمێ تیرمەهێ كەن
پرۆژێ چاكسازیێ دێ خۆشیێن دەربازبوویی ژی لێ كەتەڤ ژەهر و هەر وەكی چ خۆشی نەبری. ڕاستە ڤان چەند رۆژێن بەری تیرمەهێ ب بریارا نەچاریا حكومەتا هەرێمێ ب هەمی پارتیێن پشكدار ، مۆچێ مەهەكێ هاتە كێمكرن ، لێ بجهــ ئینانا پرۆژێ چاكسازیێ ، كۆ دەسكەفتەكێ هەرە مەزنە و هیڤیا هەر تاكەكێ دلسۆزێ كوردستانی یە و فاكتەرێ زاڵبوونێ یە بسەر قەیرانێن بسەر كوردستانێ هاتی و خەلكەكی پیلان بۆ دانای و ڤەژاندنا ژین و ژیارا وەڵاتی و وەڵاتیان .
ب چەسپاندنا پرۆژێ چاكسازیێ گەرما تیرمەها كوردستانێ لسەر وەڵاتیێن هەژار، دێ بیتە بایێ فێنكێ فەڕاشینێ و بێ كارەب و ئامیرێن فێنككەر ، و ب هەستەكا ئارام لگەل ئەندامێن دێ خەوەكا شرین كەن. و كێمبوونا مۆچەی و مۆچێ پاشكەفتی دێ ژبیر كەن و گەردەنكا حكومەتێ ئازا كەن.
بۆ هەروو تەخێن جڤاكی تیرمەهــ دێ بەرووڤاژی بیت و باوەریا خەلكی بۆ حكومەتێ و دەسهەڵاتێ دێ بیتە باوەریەكا پۆلایی مینا سەرەتایا دامەزراندنا حكومەتێ ، خەلك چاڤەرێ هیمەتا سەرۆكێ حكومەتێ مەسروور بارزانی یە ، بۆ بەرووڤاژیكرنا تیرمەهێ و بەرەیێ خەلكی هەردەم یێ سەركەفتی یە".

زۆرترین بینراو