تەرمی كچە خنكاوەكەی كوردی شەبەك دۆزرایەوە

تەرمی كچە خنكاوەكەی كوردی شەبەك دۆزرایەوە


زاری كرمانجی-خەلیفان: دوای تێپەڕبوونی زیاتر لە شەش رۆژ بەسەر خنكانی كچە منداڵێكی كوردی شەبەك لە رووباری بێخاڵ لە سنووری رواندز تەرمەكەی لە سنووری ناحیەی خەلیفان دۆزرایەوە.
عەمید عیماد كەنعان، بەڕێوەبەری بەرگری شارستانی سۆران، رایگەیاند "رۆژی شەممەی رابردوو كچێكی كوری شەبەك بەناوی "روقیە حوسێن عەلی" تەمەن 9 ساڵ، لەگەڵ خێزانەكەی بەمەبەستی گەشتو سەیران، كردبوووە هاویە هەواری بێخاڵ، كەچی كەوتبووە ناو رووبارو تەرمەكەی دیارنەمابوو، دوای نزیكەی هەقتەیەك گەڕان بەدوای تەرمەكە ئێوارەی ئەمڕۆ هەینی 5-7-2019 لەلایەن هێزە ئەمنییەكانی ناحیەی خەلیفان ئاگاداركراینەوە، كە تەرمێك لە روباری خەلان بیاو بینراوە".
ئەوەشی خستەروو "تیمی مەلەوانی بەرگری شارستانی سۆران و بنكەی بەرگری شارستانی خەلیفان، بەسەر پەرشتی رائید كاروان میر ئاودلی، گەیشتنە شوێنەكەو تەرمەكەیان دەرهێناو رەوانەی پزیشكی دادی كراوە.

زۆرترین بینراو