تەرمی محەمەدی تاقانە دۆزرایەوە

تەرمی محەمەدی تاقانە دۆزرایەوە


زاری كرمانجی- رواندز: سەرلە بەیانی ئەمڕۆ تەرمی محەمەد جەمال دۆزرایەوە و رەوانەی پزیشكی دادی سۆران كرا.
دوای ئەوەی دوێنی پاشنیوەڕۆ لە گەڕەكی پاشای رواندز منداڵێكی تەمەن 7 ساڵە كە تاقانەیە كەوتە نێو رووباری كاولۆكان، تیمەكانی بەرگری شارستانی لە دوێنییەوە بە هاوكاری هاووڵاتییانی قەزای رواندز دەستیان بە پشكنین و گەڕان كرد.
ئەمڕۆ عەمید عیماد رێكانی، بەڕێوەبەری بەرگری شارستانی سۆران بە زاری كرمانجی راگەیاند " تیمەكانمان توانیویانە تەرمی محەمەد بدۆزنەوە كە بەهۆی شەپۆڵەكانەوە بۆ نزیكەی پێنج كیلۆمەتری خوارتر لە شوێنی رووداوەكەی بردبوو".
لەم مانگەدا ئەمە سێهەم روودانی خنكانی منداڵانە لە رووبار.

زۆرترین بینراو