تەرمی هاووڵاتییەك بە خنكاوی لەماڵەكەی دۆزرایەوە

تەرمی هاووڵاتییەك بە خنكاوی لەماڵەكەی دۆزرایەوە

زاری كرمانجی-سۆران: بەیانی ئەمڕۆ پێنج شەممە 28-11-2019 تەرمی هاووڵاتییەك لە ماڵەكەی دۆزرایەوە، بە گۆتەی كەس و كاری گوایە خۆی خنكاندووە.
مقەدەم شەمال دێواری، بەرپرسی راگەیاندنی بەڕێوەبەرایەتی پۆلیسی سۆران، بە زاری كرمانجی گووت " بەیانی ئەمڕۆ ئاگاداركراینەوە بە بوونی تەرمی هاووڵاتییەك بەناوی (ك-ر-خ) لە دایكبووی 1986 لە كۆمەڵگەی گەڵاڵە لە قەزای سۆران، بەگۆتەی شاهید حاڵ و كەس و كاری گوایە ناوبراو لەماڵەكەی خۆی هەڵواسیووەو بەم هۆیەوە خنكاوە".
ئاماژەشی بەوەدا " لەئێستادا تەرمی ناوبراو لەسەر فەرمانی دادەوەر رەوانەی پزیشكی دادی سۆران كراوە، لێكۆڵینەوەش لەم رووداوە بەردەوامەو لەداهاتوودا لە زانیاری زیاتر ئاگادارتان دەكەینەوە.

زۆرترین بینراو