تەماتە و خەیاری سیدەكان رەوانەی هەموو شارەكانی كوردستان دەكرێت

تەماتە و خەیاری سیدەكان رەوانەی هەموو شارەكانی كوردستان دەكرێت

شوان عەزیز، بەرپرسی هۆبەی كشتوكاڵی سیدەكان بۆ ماڵپەڕی زاری كرمانجی دیاركرد، بە گشتی جوتیارانی سیدەكان لە بەرهەمی هاوینە گرنگی بە تەماتە و خەیار دەدەن، خۆشبەختانە تەمامەت و خەیاری سیدەكان لە سەر ئاستی پارێزگاكانی هەرێم ناوبانگی خۆی پەیدا كردووە لە كاتی پێگەیشتندا بۆ شار و شارۆچكەكانی هەولێر، دهۆك، سلێمانی رەوانە دەكرێت، هەروەها بەرهەمی زستانەش تەنها گەنم و جۆیە، بەڵام ئەو بەرهەمە هەناردەی شارەكان ناكرێت و بەشی ئاژەڵ و مەڕ و بزنەكانیان لێ دەردێنن، پێویستە جوتیاران گرنگی بە بەرهەمەكانی دیكەی وەك زەیتوون، قستەق و بەرهەمەكانی دیكەش بدەن.
لە بەردەوامی قسەكانیدا شوان عەزیز رایگەیاند، بە مەبەستی هاوكاری و ئاسانكاری جووتیاران و گرنگیدان بە كەرتی كشتوكاڵی ماوەی چەند ساڵێكە حكومەت بە شێوەیەك لە شێوەكان كاری هێنانەوە و پاككردنەوەی جۆگە ئاودێریەكان ئەنجام دەدات، هەوڵ دەدرێت بۆ ئەمساڵیش جۆگەكان پاك بكرێنەوە.

زۆرترین بینراو