تەواوی كارەكانم بە بیر و هزری خۆم بووە

تەواوی كارەكانم بە بیر و هزری خۆم بووە

دیمانە: هۆژین شەوكەت دری
هۆگر محەمەد حەسەن قۆتابی قۆناغی یازدەی زانستی، لەسەرەتای تەمەنی منداڵییەوە حەزێكی زۆری بۆ وێنەكێشان هەبووە، هەمیشە بە لاساییكردنەوەی هونەرمەندەكان وێنەی دەكێشا و خەونی گەورەی دەبینی.
هۆگر بە زاری كرمانجی گووت" لە منداڵییەوە خولیام بۆ وێنەكێشان هەبووە، هەمیشە وێنەم كێشاوە، حەزم بە كاری هونەری وێنەكێشان دەكرد و زۆر چاودێری كاری وێنەكێشە گەورەكانم دەكرد هەمیشە لاسایی ئەوانم دەكردەوە، ساڵی ٢٠١٥ بریارم دا دەست بكەم بەم كارە، ئەمە وەك پیشەیەكی سەرەكی بۆخۆم هەڵبژێرم و كارەكانم بەرەو پێشەوە ببەم، خێزانەكەم پاڵپشتیەكی زۆریان كردم بە تایبەت باوكم هاوكارێكی باشم بوو، هاوڕێكانیشم هەمیشە هانیان دەدام تا بەردەوام بم لەسەر ئەم كارە، تەواوی كارەكانم بە بیر و هزری خۆم بووە هیچ كەسێك بیرۆكەی شێوازی كاركردنی پێنەداوم، زۆر جۆری جیاوازی وێنەكێشان دەزانم بەڵام زیاتر كار لەسەر خەڵوز و رەساس دەكەم، زۆربەی ئەو وێنانەی دروستی دەكەم داواكاری خەڵكە ئەوان پەیوەندیم پێوەدەكەن و داوای وێنەم لێدەكەن"
گووتیشی" جگە لەم كارە سەرٍِەڕای خوێندنیشم كار لە كۆمپانیایەكی نەوت دەكەم، بەڵام ئەمانە رێگر نین لەبەردەم كارەكەمدا، وێنەكێشی ناوخۆی زۆر باش هەن من هەموویان لەخۆم باشتر دەزانم سەرسامم بە وێنەكێشی دەرەوە ساڵڤادۆر دالی، توانیومە بەم كارەم داهاتێكی باش بۆخۆم بەدەست بهێنم ئەمەش وام لێدەكات زیاتر پشت بەخۆم ببەستم، بەردەوام دروستكردنی وێنە و تێكەڵ بوونی رۆژانەم بە وێنەكێشان وام لێدەكات زیاتر كارەكانم بەرەو پێشەوە بچن و زیاتر شارەزای شێوازەكانی وێنەكێشان بم، هاوكاری خێزانەكەم و پاڵپشتی ئەوان زیاتر هانم دەدات بۆ بەردەوام بوونم، زۆربەی پێداویستیەكانی وێنەكێشان لە كوردستان بەردەستن، لە چاوی خەڵكانێك لەوانەیە كاری وێنەكێشان گرنگی پێبدرێت بەڵام هێشتا لەو ئاستە پێویستەدا نییە كە دەبێت هەبێت،ئە گەر ئەم كارەم نەبوایە دەمویست كاری دیزاین بكەم و حەزم لە موزیكە بە تایبەت ئامێری پیانۆ، هەر كەسێك خەونێكی هەبێت بەدوایدا بچێت و بیهێنێتە دی كار لەسەر ئەو توانایانەی بكات كە هەست بە هەبوونیان دەكات، زۆر هونەرمەندی باشمان هەن كاری زۆر باش دەكەن بەڵام دەرنەكەوتوون ئەمەش وایكردووە هونەرمەندانمان بە ونی بمێننەوە گرنگی نادەن بە بەهرەكانیان".

زۆرترین بینراو